LUKAS 8:28 - Kitta' Passitallikang Bau KAREBA BAJI'

²⁸ Rihattunna lajanjang Isa; akkariu' bakka'i ampai a'demporo ri a'rakanNa, ”Apa passilolongamMu ri nakke, oe Isa Ana' Allataala Tukaminang la'biri? Kuerai mange ri Kau, solanna andama risissa.”

LUKAS 8:28 Iomraidhean Croise

MATIUS 8:29

Appau bakkakimu, ”Apa passilolongamMu surangang kambe, oe Ana' Allataala? Apa Kau rie' mae konni lanyissa ri kambe rigelenapa larapi' hattunna?”

LUKAS 8:27

Sungka'na Isa nai' ribonto, rie'mo se're bura'ne battu ri kota injo laurangi assijanjang Isa; tau injo ladongkokii lohe rupanna setang na sallomu gele make pakeang surang gelemu ammari ri sapo, mingka ripakkuburang mamoi.

LUKAS 8:29

Ia appau appakonjo saba' Isa laparentai setang injo ansulu' battu ri tau injo. Saba' setang injo biasai larenreng-renreng tau injo, jari lanjagai ri ia, rirante surang risangkala, mingka akkulle juai latappu'-tappu' panga'ba' injo na rirenrengi ri setang injo mange ri tampa' sino.

YAKOBUS 2:19

Gelejua tappa'ko ma'nassana se're jua Allataala? Injo baji'i! Mingka manna pole sikonjo setang tappa'i ripassala injo na malla'i.

2 PETRUS 2:4

Saba' Allataala gelei lapassayang sikonjo malaeka' anggeokang injo kadorakaang mingka lalapamballung ngase'i antama' ri naraka riinjomu iyai rirante ri tampa' kalammang laritaro sa'genna larapi' hattu pangadelang.

1 YAHYA 3:8

inai tulusu anggeokang kadorakaang, assala'na nubattu ri Ibilisi, saba' minang ripakaramulana Ibilisi tarru'-tarrusui anggeokang kadorakaang. Iamo inni pattujunna Ana' Allataala lapappijanjangang kalenNa, iamo intu Ia laappakamate risikonjo panggeokanna Ibilisi.

PANJANJANNA YAHYA 20:10

na Ibilisi tulappakalingu injo, ripabuangi naung ri bola' api bakka' akkadaparang surang halirang, iamo intu tampa' binantang surang nabbi palusu injo, na risissai allo bangngi ri injo situli-tulinna.