LUKAS 8:15 - Kitta' Passitallikang Bau KAREBA BAJI'

¹⁵ Nua'dappe' injo ri tana baji' iamo intu sikuanna tau, allangngere pau injo, lananro baji'i lalang ri ati si'nonna na appasulu'i bua baji' lalang rikasabbarang.”

LUKAS 8:15 Iomraidhean Croise

MATIUS 24:13

Mingka tau jarre' injo tappa'na sa'genna larapi' allo kala'busanna lasalama'i.

LUKAS 11:28

Mingka appaui Isa, ”Tulasunggu injo iamo intu sikuanna tau appilangngeri ri pau Allataala na lakatutui baji'i.”

LUKAS 6:45

Tau baji' intu appasulu'i barang baji' battu lalang ri ati baji'na na tau daa intu sipa'na appasulu'i barang daa battu lalang ri ati daana. Saba' nulapau injo babana, poonna nubattu lalang ri atina.”

LUKAS 8:14

Nua'dappe' injo ri rompo' bunga jabe iamo intu tau maeng injo allangngere pauna Allataala, na lalang ripattimboang situlusu'na laappui bata-bata surang lapakaa'maling-malingi rikakalumannyangang na kasannangang lino jua tuli laboja, sa'genna gele baji' pambuana.

LUKAS 8:16

”Gele minang rie' tau appabola' kanjoli ampai latongko' talle iyareka lataro ri siring patinroang, mingka lataro rate ri tampa' panaroanna, solanna sikuanna tau antama' lalang ri sapo injo akkulle lajanjang saunna.

YAHYA 14:15

”Ampa ngamaseangiko ri Nakke, kau lamuturuki sikuanna parentaKu.

YAHYA 15:10

Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

ROMA 2:7

iamo intu tallasa mannannungang mange ri iyai tutulusu a'geo' baji' injo, nagele ammari-mari a'boja kala'birang surang kabakkakanna Allataala,

ROMA 6:22

Mingka konni-konnina, sungka'mu ripakalappasa battu rikadorakaang na sungka'mu a'jari ata ri Allataala, nguppamoko hassele lalaerangko mange rikatangkasang na kala'busanna iamo intu tallasa mannannungang.

ROMA 7:18

Saba' nukuisse' ma'nassana ri nakke, iamo intu lalang ri nakke assimpole sipa' rupatau, gele rie' manna se're nubaji'. Saba' a'ra' rinubaji' injo rie'i ri nakke, mingka gelea anggeokang nubaji'.

ROMA 7:4

Injomo saba'na, urang siana'ku, kau maeng matemoko ri hukkung Tora' lalang ri kalenna Almase, solanna kau a'jari anunna tau maraeng, iamo intu anunna Isa, tumaeng ripakaattallasa injo muliang battu ritangnga-tangngana tau mate, bisannabali ditte ripa'hasselangi Allataala.

ROMA 8:25

Mingka, ampa tajalliki rinugele injopa rijanjang, injo ritajangi lalang kasabbarang.

1 KORINTUS 7:19

Saba' assunna' iyareka gele assunna' gelejuai parallu. Nuparallu iamo intu tunru' risikonjo hukkung Allataala.

EFESUS 2:8

Saba' kanara pangamaseang kau ri pakasalama' rikatappakang; injo gele hassele karesomu, mingka passare ri Allataala,

FILIPI 1:11

rassi panggeokang assimpole nulajama injo Isa Almase laappakala'biri surang appakabakka' ri Allataala.

KOLOSE 1:10

Ri appakonjonamo tallasa'mu siratangi ri a'rakanNa surang baji'i mange ri Ia lalang risikonjo passala, na kau assare hassele lalang risikonjo jama-jamaang baji' surang attimbo lalang ripangisse' passala Allataala.

KOLOSE 1:6

nurie' injomo mange ri kaui. Injili injomo a'hassele na lapila'bangi sibatu lino, appakonjo todo'i Injili injo ri kau a'hassele pakaramula rihattu mulangngere'na surang muisse' toje'i barakka' Allataala.

IBRANI 10:36

Saba' kau parallu sabbara, solanna rimaemmumo anggeokang a'ra'na Allataala, nguppako apa nulatallikang injo,

IBRANI 2:1

Kanara injomo ditte parallu la'bi baji' appariati apa numaeng rilangngere, solanna andaki ammanyu' laalle jammang.

YAKOBUS 1:4

Paa'jarilalo kasabbarang injo appabattu hassele nuappakasa'ga' nyaha, solanna kau a'jari sangka' na ganna' na gele rie' kakurangang manna se're.

1 YAHYA 2:3

Iamo inni tanrana ma'nassana ditte riisse'i Allataala, iamo intu ampa rituruki sikonjo passuroanNa.