LUKAS 8:12 - Kitta' Passitallikang Bau KAREBA BAJI'

¹² Nua'dappe' injo ri biring lalang iamo intu sikuanna tau maeng allangngere; mingka rie'i Ibilisi laalle pau injo battu ri atinai, solanna gele tappa' surang gele ripakasalama'.

LUKAS 8:12 Iomraidhean Croise

MATIUS 13:19

Mange risikuanna tau allangngere pau ripassala Pakkaraengang Suruga, mingka gele lapahang, rie'mu tudaa injo sipa'na na laalle nuripatahuru injo lalang ri atina tau injo; iamo injo lamungang nuripatahuru injo ri biring lalang.

MATIUS 13:4

Rihattunna ia a'lamung, sidahuang lamunganna a'dappe' ri biring lalang, maeng injo rie'mo jangang-jangang lakanre sa'genna la'busu.

MARKUS 4:15

Sikuanna tau rie' ri biring lalang. Tampa'na pau injo rilamung, iamo intu tau allangngere injo pau, maeng injo rie'i Ibilisi na laalle pau nuampa injo rilamung ri iyai.

LUKAS 8:11

Iamo inni botoanna pakkalebarang injo: Lamungang injo iamo pauna Allataala.

LUKAS 8:13

Nua'dappe' injo ri tana demmapara iamo intu tau ri maennamo allangngere pauna Allataala, latarima baji'i, mingka gele anralang aka'na, sinampe' juai tappaki na rihattu latabainna kasukkarang a'bokoimu.

LUKAS 8:5

”Rie' se're patahuru a'lampa mange attahuru. Rihattunnamo latahuru lamunganna, sidahuang lamunganna a'dappe'i ri biring lalang, maeng injo lalisa'i tau na lakanre todo'i jangang-jangang sa'genna labusu.

PANJANJANNA YAHYA 12:9

Saa bakka' injo, saa toamo, nuriare' Ibilisi iyareka setang, nulaappalingu-lingu injo risibatu lino, ripamballungi naung; ia ripamballungi mange ri lino, assurang-surang sikonjo malaeka'na.