LUKAS 7:37 - Kitta' Passitallikang Bau KAREBA BAJI'

³⁷ Ri kota injo rie' bahine daa geo'na. Sungka'i lalangngere bahine injo ma'nassana Isa rie'i nganre ri saponna tau Farisi injo, mangemu konjo ngerang sibuli-buli minnya' hondu.

LUKAS 7:37 Iomraidhean Croise

MATIUS 21:31

Inaiang ri tau rua injo lageokang passuroanna ammanna?” Pappihalinnai, ”Tulihua injo.” Appaui Isa mange ri iyai, ”Sitoje'na Nakke appau mange ri kaui, palele ngowa na bahine bandarang injo la'bi rioloang ri kau antama' ri Pakkaraengang Allataala.

LUKAS 18:13

Mingka palele sima injo ammenteng dere juai, na gele todo'i barani ammonga nai' ri langi', mingka ia tulusu lapurusu barambanna na lakua: O Allataala, rikamaseangi tau doraka inni.

LUKAS 19:7

Lajanjanna passala injo, lohemo tau pakaramula a'moro-moro, lakua, ”Ia asse'kai ri sapo tau doraka injo.”

LUKAS 5:30

A'nahu'-nahusimu tau Farisi na guru Tora' injo mange ri ana'-ana' gurunna Isa, lakua, ”Ngura nganre manginungiko assurang palele sima na tau doraka intu?”

LUKAS 5:32

Nakke rie' mae konni gele laakkeo' tau naba, mingka tau doraka injo jua solanna jarrai.”

LUKAS 7:34

Maeng injo Ana' Rupatau rie', Ia nganre na nginungi, na mukua: Janjangimu, Ia se'rei tau balala na painung, bahaanna palele sima na tau doraka injo.

LUKAS 7:36

Rie' se're tau Farisi lakeo'i Isa lamange nganre ri saponna. Isa a'lampai mange ri saponna tau Farisi injo, ampai attolong nganre.

YAHYA 11:2

Maria iamo intu bahine maeng injo laminnayaki bangkenna Karaeng battu ri minnya' mur na uhu'na lapalu'lu'; Lazarus tau garring injo iamo intu uranna siana'.

YAHYA 9:24

Jari iyai makapinruannamo lakeoki tau buta injo sumpae' na appaui mange ri ia, ”Paui silambusu'na ri a'rakang Allataala; kambe taisse'i ma'nassana tau injo rie' kadorakaanna.”

YAHYA 9:31

Ditte riisse'i ma'nassana Allataala gele appilangngeri tau rie' kadorakaanna, passangadinna tau lambusu na tau anggeokang injo ria'ra'Na.

ROMA 5:8

Mingka, Allataala lapappijanjangangi mae ri ditte pangamaseanNa lalang ripassala inni: Rihattunta juapa doraka, Almase maeng lakamateiki.

1 TIMOTIUS 1:15

Pau inni nabai na pato'i ritarima ngase' Isa Almase rie'i antama' mae ri lino inni laappakasalama' tau doraka, ri iangase'na injo nakkemo kaminang doraka.

1 TIMOTIUS 1:9

iamo intu lalang ripangu'rangi ma'nassana hukkung Tora' injo gelei lamange jua ri tau naba inni, mingka ri tau kapere surang ri tau doraka na ri tau gele tunru', mange ri tau assipa' lino inni na ri tau tide' injo agamana, mange ri tau lahuno injo ammanna na idonna, mange ri tau pahuno-huno injo,

1 PETRUS 4:18

Ampa tau naba inni sukkarai ripakasalama', apamo lakajariang ri tau gele injo naba surang tau doraka injo?