LUKAS 7:16 - Kitta' Passitallikang Bau KAREBA BAJI'

¹⁶ Malla' ngase'mu tau lohe injo na lapakala'biri Allataala, lakua, ”Rie'mo se're nabbi bakka' ammumba ritangnga-tangngata,” na rie'mu ”Allataala lapakasalama' umma'Na.”

LUKAS 7:16 Iomraidhean Croise

MATIUS 15:31

Jari takkajanna' ngase'i tau lohe injo rilajanjanna tau pepe akkulle appau, tau kempang baji' pa'lingkana, tau pesu' akkulle ammenteng, tau buta akkulle anjanjang, na iyai injo appakala'biri Allataalana Israele.

MATIUS 21:11

Appihali tau lohe injo, ”Iamo inni Nabbi Isa battu ri Nazaret ri tana Galilea.”

MATIUS 28:8

Be'beremu a'lampa battu ri kuburu injo, a'leo'i malla' surang rannu na a'nyara-nyarai allari lalapappiissekangi ri ana'-ana' gurunNa.

MATIUS 9:8

Lajanjanna passala injo, malla'mu tau lohe injo ampai lapakala'biri Allataala numaeng assare kahasa assimpole injo mange ri rupatau.

LUKAS 1:65

Jari mallaki ngase'mu tau rie' injo riampi'-ampi'na, na sikonjo kajariang a'jari laga'-lagarangi risikonjo kampong rihulu'na Yudea.

LUKAS 1:68

”Ripakala'birimu Karaeng, Allataalana Israele, saba' Ia rie'i lapakasalama' umma'Na na ngerangi kalappasang mange ri ia,

LUKAS 19:44

Lalahunoko surang sikonjo jannangang rie' ri kaui, na tembo'na gelei lapa'biang rie' batu a'lonjo' manna se're rateang batu maraeng, saba' gelena muisse' hattunna Allataala larie' lalapakasalama'ko.”

LUKAS 2:20

Maeng injo muliang ngase'mu pakalahaki injo ampai akkelong-kelongi surang lapakala'biri Allataala saba' sikonjo nulalangngere na nulajanjang, assituru' i numaeng ripauwang injo mange ri iyai.

LUKAS 24:19

Lakuamo Isa mange ri iyai, ”Apa injo barang?” Lakuaimo, ”Apa kajariang ri Isa tau Nazaret injo. Ia se'rei nabbi, tau akkahasa lalang ri jama-jamaang na pappau ri a'rakang Allataala na risikuanna tau bangsaba.

LUKAS 5:26

Takkajanna' ngase'i tau lohe injo, ampai appakala'biri Allataala, na sanna' mallakinna, lakua, ”Allo inni maeng tasa'bikammu passala nusanna' injo appakalannasa.”

LUKAS 5:8

Rihattu lajanjanna Simon Petrus passala injo a'demporomamo ri a'rakanna Isa na lakua, ”Karaeng, a'lampaKi battu ri nakke, saba' nakke inni tau doraka.”

LUKAS 7:15

Ambaung toje'i tau mate injo na attolongi surang pakaramulamu a'bisara, maeng injo Isa lapassareangi mange ri idonna.

LUKAS 7:39

Sungka'i lajanjang tau Farisi lakeo' injo Isa, appaui lalang ri atina, ”Ampa Ia inni nabbi, tantu laisse'na, inai bahine inni surang bahine ngura akkaraha injo ri Ia; tantu laisse'na ma'nasana bahine injo tau doraka.”

LUKAS 8:37

Jari sikuanna tau assinna tana Gerasa laerai mange Isa, solanna labokoi, saba' sarro mallakinna. Jari nai'mu Isa ri lopi, ampai nyombala muliang.

LUKAS 9:19

Pappihalinnai, ”Yahya Pario, rie' todo' tau maraeng appau: Elia, rie' pole tau appau ma'nassana sala se'renna battu risikonjo nabbi riolo attallasa muliang.”

YAHYA 1:21

Maeng injo akkuta'nangimu isse' mange ri ia, ”Ampa appakonjo, inaiko? Apa kaumoka Elia?” Appihali pole Yahya, ”Gele!” ”Kaumoka nabbi larie' injo?” Lakuamo Yahya, ”Gele!”

YAHYA 1:25

Akuta'nangi ngase'mu mange ri ia, lakua, ”Ngura anrioko tau, ampa pade' gele kau Almase, gele todo'ko Elia, na kau gele nabbi larie' injo?”

YAHYA 4:19

Lakuamo bahine injo mange ri Ia, ”Karaeng, konni-konnina kuisse'mu ma'nassana Ditte se're nabbi.

YAHYA 6:14

Sungka'na tau lohe injo lajanjang kajariang gele samara lageokang injo Isa, appau ngasekimu, ”Ia inni toje'i Nabbi nularie' injo antama' mae ri lino inni.”

YAHYA 9:17

Jari lakuaimo isse' mange ri tau maeng injo buta, ”Na kau, apa panguppamu ripassala'na Ia, saba' lapakaambula'i matammu?” Pappihalinna, ”Ia se'rei nabbi.”

PAU-PAUWANNA SIKONJO SURO-SURO 5:5

Rihattu lalangngere'na pau injo anra'bai Ananias na matei. Sikuanna tau allangngere ripassala injo sanna' malla'nai.

PAU-PAUWANNA SIKONJO SURO-SURO 7:37

Musamo inni maeng appau mange ri taunna Israele: Se're nabbi assimpole nakke inni lalapaenteng Allataala mange ri kau battu ripassianakammu.

GALATIA 1:24

Jari iyai appakala'biri Allataala kanara ri nakke.