LUKAS 7:12 - Kitta' Passitallikang Bau KAREBA BAJI'

¹² Sungka'i seppa'mo Isa ri babaang pantamakanna kota injo, rie' tau mate ribule' ansulukang kota, ana' bura'ne sitau-tau ri idonna na balu-balumu, na lohemo tau ri kota injo larurungi balu-balu injo.

LUKAS 7:12 Iomraidhean Croise

LUKAS 7:11

Rimaennamo injo a'nyara-nyarai Isa a'lampa mange rise're kota riare' Nain. Ana'-ana' gurunNa a'lampa todo'i minahang ri Ia, na lohe pole tau maraeng a'rurung-rurung minahang ri Ia.

LUKAS 7:13

Rihattu lajanjanna Isa tau balu-balu injo, rie'mo ri atiNa saba' ripangamaseang, ampai appau mange ri ia, ”Ammakkangko apparau!”

LUKAS 8:42

saba' ana' bahine sitau-tauna, ummuru'na barang sampulomu ruantaung, injo ammadammu. Ripa'lingkaanna lamange konjo, Isa riosso'i ri tau lohe.

LUKAS 8:52

Sikuanna tau rie' ri injo ngarrang ngase'i na laparaui ana' injo. Mingka appaui Isa, ”Akomo ammarrangi; ia gelejuai mate, mingka tinroi.”

YAHYA 11:19

Ri injo lohemo tau Yahudi battu latimporongi Marta na Maria saba' matena uranna siana'.

PAU-PAUWANNA SIKONJO SURO-SURO 9:39

Jari apparri-parrimu Petrus na a'lampai a'rurung tau rua injo. Riambattuinnamo mange konjo, ia riurammu nai' ri tanggaruma. Sikonjo balu-balu rie' ngase'i ammenteng riampi'na na riapparauinna lapijanjangiammu sikonjo baju na pakeang numaeng labua' injo Dorkas rihattu assuranginnai juapa.

PAU-PAUWANNA SIKONJO SURO-SURO 9:41

Petrus latetengi limanna na lapaentengi. Maeng injo ia lakeo' ngase'i tau tangkasa injo surang sikonjo balu-balu, ampai lapijanjangiang ma'nassana bahine injo attallasai muliang.

YAKOBUS 1:27

Sambajang nutoje' na nugele injo rie' daana ri a'rakang Allataala, Ammanta, iamo intu appariati na a'lingka-lingka mange ri ana' kukang na tubalu-balu lalang risikonjo kasusaanna, na tulusu rikatutui solanna kalenta andai ripakarammasa ri lino.