LUKAS 6:20 - Kitta' Passitallikang Bau KAREBA BAJI'

²⁰ Maeng injo, Isa latangara ana'-ana' gurunNa ampai appau: ”Sunggumoko, oe kau tau kaasi-asi intu, saba' kaumo ampunna Pakkaraengang Allataala.

LUKAS 6:20 Iomraidhean Croise

MATIUS 11:5

tau buta anjanjang, tau pesu' a'lingka, tau kattakang a'jari tangkasa, tau bongolo allangngere, tau mate ripakaattallasa muliang na mange ri tau kaasi-asi injo ripappauwangi kareba baji'.

MATIUS 25:34

Jari Karaeng injo laappau mange ri iyai ri tau rie' injo risa'ri kananNa: Maeko, oe kau turibarakkaki intu ri AmmangKu, tarimai Pakkaraengang numaeng ripakasadiaang injo ri kau minang riuruna ripaa'jari lino inni.

MATIUS 5:1

Rihattunna Isa lajanjang tau lohe injo, nai'mu ri buttu na rihattunna Ia attolong, riekimu ana'-ana' gurunNa mange ri Ia.

LUKAS 12:32

Akoimo malla', oe kau bakkalang ki'di'! saba' Ammammu maeng a'ra'mu lapassareang ri kau Pakkaraengang injo.

LUKAS 13:28

Ri injomo mange larie' parau na gigi a'rekuki, rihattu mujanjannna Abraham surang Ishak na Yakub surang sikonjo nabbi lalang ri Pakkaraengang Allataala, mingka kau laripamballungko ansulukang.

LUKAS 14:15

Rilalangngere'na injo rie'mo se're tau battu ri toana injo appau mange ri Isa, ”Sunggulalo tau ripappatalaang injo kanre lalang ri Pakkaraengang Allataala.”

LUKAS 16:25

Mingka appaui Abraham: Oe ana', u'rangisai ma'nassana kau maeng mutarimai sikonjo nubaji' rihattu attallasa'mu juapa ri lino, mingka Lazarus sanging nudaa. Konni-konnina iamo ripakarannu na kau sanna' ripakamarasai.

LUKAS 4:18

”Nyaha Karaeng Allataala rie'i ri Nakke, saba' Ia maemmu ambarakkaki ri Nakke, lappabattu kareba baji' mange ri tau kaasi-asi injo; na Iamo assuro ri Nakke

PAU-PAUWANNA SIKONJO SURO-SURO 14:22

Ri tampa' injomo iyai lapakasa'ga' nyahana ana'-ana' gurung injo ampai lapiu'rangi ngase' solanna tuli jarre'i rikatappakang, na lapaui ma'nassana ampa laantama'ki ri Pakkaraengang Allataala paralluki languppa lohe kamarasaiang.

2 KORINTUS 6:10

assimpole tau pa'risi kamateang, mingka tulusu a'rannu-rannu; assimpole tau kaasi-asi, mingka appakakalumannyang lohe tau; assimpole tau tide' anunna, manna injo kambe taampunnai sikuanna.

2 KORINTUS 8:2

Rihattunna nguppa passo'ri bera' lalang rilohe rupanna kasissaang, sukku' rannuna na manna injo iyai sanna' kaasi-asina, mingka iyai kalumannyangi lalang ri kabajikang.

2 KORINTUS 8:9

Kanara maeng muissekinnamo barakka' Karaengta Isa Almase ma'nassana manna injo Ia kalumannyangi, rikanaramui Ia a'jari kaasi-asi, solanna kau a'jari kalumannyang rikanara kaasi-asiNa.

1 TESALONIKA 1:6

Na kau minahang ripanggeokamba surang ripanggeokanna Karaeng; lalang ripassissa bakka' injo kau maeng narima pau Allataala lalang rikarannuang nulajama injo Nyaha Tangkasa,

2 TESALONIKA 1:5

Injo se'rei butti adele'na pangadelang Allataala, nulapappijanjangang injo ma'nassana siratangiko laa'jari taunna Pakkaraengang Allataala, kau konni-konnina sissa kanara ri Pakkaraengang injo.

YAKOBUS 1:12

Sunggulalo tau attahang injo lalang ripasso'ri, saba' ampa ia attahang ujimu, ia lanarimai songko' kakaraengang rikatallasang nulatallikang Allataala mange risikuanna tau ngamaseang ri Ia.

YAKOBUS 2:5

Urang siana' mala'biri'ku, pilangngerilalo! Gelejua Allataala mile sikuanna tau rirapang injo kaasi-asi ri lino inni na lapaa'jari ngase'i kalumannyang rikatappakang surang tulanguppa dahuang ri Pakkaraengang Allataala numaeng latallikang injo mange risikuanna tau ngamaseang mange ri Ia?

PANJANJANNA YAHYA 2:9

Kuisse'i kasusaammu surang kaasi-asiammu, mingka kalumannyangiko. Na Kuisse' todo'i pappitinanai, ri tau laareng injo kalenna tau Yahudi, mingka nusitoje'na gelei appakonjo, sibale'na iyai injo jamaah ri Ibilisi.