LUKAS 6:13 - Kitta' Passitallikang Bau KAREBA BAJI'

¹³ Sungka'i latangnga allomo, Ia lakeo'mu ana'-ana' gurunNa mange riampi'Na, ampai lapile sampulorua battu ri iyai ngase' nulagallara injo suro:

LUKAS 6:13 Iomraidhean Croise

MATIUS 10:2

Iamo inni arenna suro sampulorua injo: Makase're, Simon turiang injo Petrus na Andreas uranna siana', na Yakobus ana'na Zebedeus surang Yahya uranna siana',

MATIUS 19:28

Appaui Isa mange ri iyai, ”Sitoje'na Nakke appau mange ri kaui, rihattu riappaa'jari injo muliang, ampa Ana' Rupatau attolong ri kadera kala'biranNa, kau, tuminahang injo ri Nakke, laattolong todo' rate risampulorua kadera langadeli mange risampulorua pappinangkakang ri Israele.

MATIUS 9:36

Lajanjanna tau lohe injo, rie'mo ri atina Isa pangamaseang mange ri iyai, saba' mangngang ngase' na tide' tulapa'daha-dahaangi assimpole jimbala tide' pakalahakinna.

MARKUS 6:30

Maenna injo muliangimu sikonjo suro na asse'rei surang Isa na lapappiisekangi mange ri Isa sikonjo nulageokangi surang nulapangajarang injo.

MARKUS 6:7

Ia lakeo' suro sampulorua injo na pakaramulamu lasuroi ta'rua-rua. Isa laassare kahasa ri iyai mange risikonjo setang,

LUKAS 11:49

Injomo saba'na, pangisse' ri Allataala appau: Nakke lassuro mange ri iyai sikonjo nabbi surang sikonjo suro-suro, na sibageang battu ri nabbi-nabbi surang ri suro-suro injo lalasissai ampai lahunoi,

LUKAS 22:30

solanna sallo' kaui sipanganreang na sipanginungngaiko lalang ri PakkaraengangKu na laattolongiko rate kadera kakaraengang langadeli sampulorua pinangka' ri Israele.

LUKAS 6:14

Simon laareng injo Petrus, na Andreas uranna siana' Simon, Yakobus na Yahya, Filipus na Bartolomeus,

YAHYA 4:33

Injomo saba'na, allagarimu ana' gurunNa, ”Rie' barang tau lapangerangangi kanre mange ri Ia lalakanre?”

PAU-PAUWANNA SIKONJO SURO-SURO 1:13

Sungka'i antamakimo ri kota injo, nai' ngase'i ri tanggaruma ri tampa' pamminsanboanna. Iamo intu Petrus na Yahya, Yakobus na Andreas, Filipus na Tomas, Bartolomeus na Matius, Yakobus ana'na Alfeus na Simon tau Zelot injo na Yudas ana'na Yakobus.

EFESUS 2:20

nuripaenteng rate ripallanggana sikonjo suro surang nabbi, lalang ri Isa Almase assimpole batu appoong.

EFESUS 4:11

Iamo tuassare injo mange risikonjo suro iyareka risikonjo nabbi, baji' tuappala'bang Injili iyareka pakalahaki na tungajara,

IBRANI 3:1

Injomo saba'na, Urang siana' julu katappakang, tunguppa injo dahuang ripakkeo'na Allataala, pariatimu Isa, Suro na Imang Bakka' nuriakui injo,

2 PETRUS 3:2

solanna muu'rangi pau riolo numaeng lapau sikonjo nabbi tangkasa na ngu'rangi parenta Karaeng surang Pappakasalama' numaeng lapabattu injo risikonjo suro mange ri kaui.

PANJANJANNA YAHYA 12:1

Maeng injo kajanjangammu se're tanra bakka' ri langi': Se're bahine lakalimbuki matanna allo, na bulang rahangang bangkenna surang rie' se're songko' kakaraengang battu ri sampulorua bintoeng rate ri ulunna.

PANJANJANNA YAHYA 18:20

A'rannu-rannuilaloko rikanara pasosara'na, oe suruga, na kau tau tappa' intu, sikonjo suro-suro surang sikuanna nabbi, saba' Allataala maeng assarei hukkungang mange ri ia kanara kau.”

PANJANJANNA YAHYA 21:14

Ri tembo' kota injo rie' sampulorua batu appoong na ri injomo ta'ukiri sampulorua areng suro-suro ri Ana' Jimbala injo.