LUKAS 5:24 - Kitta' Passitallikang Bau KAREBA BAJI'

²⁴ Mingka solanna muisse' ma'nassana ri lino inni Ana' Rupatau kahasa lallappasi kadorakaang” – appaui Isa mange ri tau pesu' injo –: ”Kupaui mange ri kau, ammentengko, angka'i patinroammu na muliangko mange ri sapommu!”

LUKAS 5:24 Iomraidhean Croise

MATIUS 16:13

Sungka'i ambattu Isa ri tana Kaisarea Filipi, Ia akkuta'nangi mange ri ana'-ana' gurunNa, ”Lakua tauiya, inai injo Ana' Rupatau?”

MATIUS 25:31

”Ampa rie'mu Ana' Rupatau lalang rikala'biranNa na sikuanna malaeka' assurang-surangi Ia, injo Ia laattolongi rate ri kadera kala'biranNa.

MATIUS 26:64

Appihali Isa, ”Kaumo mupaui. Mingka, Nakke appau ri kau, pakaramula allo inni lamujanjangi Ana' Rupatau laattolong risa'ri kananNa Tukaminang kahasa injo na larie'i a'dongko rammang ri langi'.”

MATIUS 28:18

Mangei Isa ri iyai na appaui, ”Ri Nakke maeng risareamma sikonjo kahasa ri Suruga surang ri lino.

MATIUS 4:24

Jari alla'bammu kareba ripassala'na Ia risibatu Siria na rierammu mange ri Ia sikuanna tau daa injomo tappana, tusissa rilohe rupanna garring na assinsara, tau ladongkoki setang, tumate jangang na tau pesu', jari Isa lapakagassing ngase'i.

MATIUS 9:6

Mingka solanna muisse' ma'nassana ri lino inni Ana' Rupatau kahasa laassare ampung rikadorakaang – jari Ia appaui mange ri tau pesu' injo” –: ”Ambaungko, angka' tampa' patinroammu na muliangko mange ri sapommu!”

LUKAS 5:13

Jari lapatanjomu limanNa, lakaraha tau injo, na lakua, ”A'ra'a, a'jari tangkasamoko.” Rihattu injo toje' jua namolei garring katta'na.

LUKAS 5:18

Maeng injo rie'mo lohe tau a'bule' tau pesu' rate ri patinroang; apparri-parri lalaerangi antama' ri sapo na lalataroi ri a'rakanna Isa.

LUKAS 5:23

Anteeang la'bi lo'morang, rikua: rilappasi kadorakaammu, iyareka na rikua, Ammentengko na a'lingkako?

LUKAS 7:14

Jari laseppaki bulekang injo ampai lakaraha, jari attaa'i pabule' injo, appaui Isa, ”Oe ana' taruna, Nakke appau mange ri kau, ambaungko!”

LUKAS 8:54

Maeng injo latetengi Isa limanna ana' injo ampai langa'ngara, ”Oe ana' ambaummoko!”

YAHYA 11:43

Rimaenna appau appakonjo a'nga'ngarai Isa lalang risa'ra bakka', ”Lazarus, ansulu'moko mae!”

YAHYA 17:2

Assimpole Ditte maeng assare mange ri Ia kahasa risikonjo nuattallasa, appakonjo todo'i Ia assare tallasa mannannungang mange risikonjo numaeng injo Ripassareang mange ri Ia.

YAHYA 3:13

Gele rie' manna se're tau maeng nai' ri Suruga maraenganna Ia Tumaeng naung injo rie' mae battu ri Suruga, iamo intu Ana' Rupatau.

YAHYA 5:27

Ia maeng assare kahasa mange ri Ia langadeli, saba' Iamo Ana' Rupatau.

PAU-PAUWANNA SIKONJO SURO-SURO 14:10

Maeng injo appaui Paulus lalang risa'ra bakka', ”Ammenteng ka'jangko!” A'lumpa'mu tau injo ammenteng, jari pakaramulamu a'lingka mange-mange.

PAU-PAUWANNA SIKONJO SURO-SURO 5:31

Iamo ripakala'biri ri Allataala battu ri lima kananNa laa'jari Paulu surang Pappakasalama', solanna Israele akkulle jarra na narimai pangampungang doraka.

PAU-PAUWANNA SIKONJO SURO-SURO 9:34

Appaui Petrus mange ri ia, ”Eneas, Isa Almase lapakagassingko; ambaummoko na pakabaji'i patinroammu!” Rihattu injo jua ammentengi tau injo.

PAU-PAUWANNA SIKONJO SURO-SURO 9:40

Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong.

PANJANJANNA YAHYA 1:13

Ripassa'lakanna bangkeng kanjoli injo rie' se're tau assintappa Ana' Rupatau, makei baju bakka' na lambere'na larapi'i kantunu', na barambanNa assaleppang panga'ba' aja' battu ri bulaeng.