LUKAS 5:11 - Kitta' Passitallikang Bau KAREBA BAJI'

¹¹ Sungka'i maemmo labesoki lopinna anra'i ri biring bone, labokoi ngase'mu apa-apanna, ampai minahang ri Isa.

LUKAS 5:11 Iomraidhean Croise

MATIUS 10:37

Inai jua ngamaseang ri amma iyareka ri idonna la'bi battu ri Nakke, ia gele siratang ri Nakke; na inai jua ngamaseang ri ana' bura'nena iyareka ri ana' bahinena la'bi battu ri Nakke, ia gelei siratang ri Nakke.

MATIUS 19:27

Maeng injo appaui Petrus mange ri Isa, ”Kambe inni maeng tabokoimu iangase'na na minahangkang ri Kau; jari apamo latauppa?”

MATIUS 19:29

Sikuanna tau ripassabakang ArengKu, labokoi saponna, urang siana' bura'nena iyareka urang siana' bahinena, iyareka ammanna iyareka idonna, iyareka ana'-ana'na iyareka kokonna, lalatarimai muliang sallo' a'lappi sibilangang na languppai tallasa mannannungang.

MATIUS 4:20

Lassirimu labokoi lanra'na na minahangi ri Ia.

MATIUS 4:22

na iyai lassiri labokoi lopi surang ammanna, ampai minahang ri Ia.

MARKUS 10:21

Mingka latangarai Isa tau injo na lakamaseangi, jari appaui mange ri ia, ”Rie'pa se're nukurang ri kau: A'lampako, na balukangi sikuanna pa'barang-barangammu na pa'dahu-dahuangi mange risikuanna tau kaasi-asi, jari nguppako pa'barang-barangang ri Suruga, maeng injo maeko konni na minahangko ri Nakke.”

LUKAS 5:28

Jari ammentengi Lewi na labokoi iangase'na, ampai minahang ri Ia.