LUKAS 4:6 - Kitta' Passitallikang Bau KAREBA BAJI'

⁶ Appaui Ibilisi mange ri Ia, ”Sikonjo kakahasaang injo surang kala'birang lakupassareangi mange ri Kau, saba' iangase'na injo maeng ripassareangi mae ri nakke na lakupassareang todo'i mange ri inai jua a'ra' kusare.

LUKAS 4:6 Iomraidhean Croise

LUKAS 4:7

Injomo saba'na, ampa Kau nyomba ri nakke, iangase'na injo Kaumo opuna.”

YAHYA 12:31

Konni-konnina attangngamu pangadelang ri lino inni: konni-konnina pole tukahasana lino inni laripamballungi ansulukang;

YAHYA 14:30

Gelemo lalohe Kulagara mange ri kaui, saba' tukahasana ri lino inni rie'mu na ia tide' jua kahasana manna siso'di' mae ri kalengKu.

YAHYA 8:44

Kau assala'mui battu ri ammammu, iamo intu Ibilisi, na a'ra'i mugeokang sikonjo nulakaa'raki injo ammammu. Ia intu pahuno-huno tau minang ripakaramulana na gele attallasa lalang rikanabaang. Ampa ia appau injo sanging bura, ia appaui battu ria'ra' kale-kalena jua, saba' ia intu pa'buraang na ammai risikuanna tau pa'buraang.

2 KORINTUS 11:14

Passala injo gelejuai parallu appakalannasa, saba' manna Ibilisi a'geo' assimpole todo'i malaeka' Sinara.

EFESUS 2:2

Kau tallasa lalang ri injo, saba' mupinahanginna pa'lalangang ri lino inni, kau tunru' ri tukahasa pakkaraengang ri langi', iamo intu nyaha nukonni-konnina rie'i anjama ritangnga-tangngana sikuanna tau doraka.

1 PETRUS 1:24

Saba': ”Sikonjo nuattallasa injo assimpolei ruku' na sikonjo kala'birang assimpolei taju' ruku', a'jari kalotoroi ruku' injo, na tantangi taju'na,

1 YAHYA 5:19

Ditte riisse'i ma'nassana ditte assala'ta nubattu ri Allataala na sibatu lino rie'i lalang rikahasana tudaa injo.

PANJANJANNA YAHYA 12:9

Saa bakka' injo, saa toamo, nuriare' Ibilisi iyareka setang, nulaappalingu-lingu injo risibatu lino, ripamballungi naung; ia ripamballungi mange ri lino, assurang-surang sikonjo malaeka'na.

PANJANJANNA YAHYA 13:2

Binantang kujanjang injo assimpolei masang bari', na bangkenna assimpolei bangkeng baruang na babana assimpolei baba singa. Saa bakka' injo assare kagassingang, pattolongang na kakahasaang nusanna' bakka'na mange ri ia.

PANJANJANNA YAHYA 13:7

Ia ripa'biang todo'i a'bundu' labaliang sikuanna tau tappa' na lalapibetai ngase'i. Mange ri ia risarei kahasa risikonjo sossorang surang umma' na bisara surang bangsa.