LUKAS 4:5 - Kitta' Passitallikang Bau KAREBA BAJI'

⁵ Maeng injo ia laerangi Isa mange rise're tampa' langkasa na lalang risipappikkaang mata ia lapappijanjangangi mange ri Isa sikonjo pakkaraengang ri lino.

LUKAS 4:5 Iomraidhean Croise

MATIUS 24:14

Injili Pakkaraengang inni laripala'bangi risibatu lino a'jari passa'bi risikonjo bangsa, maempa injo ampamu larapi' allo kala'busanna.”

MATIUS 4:8

Rimaenna injo Ibilisi laurangi Isa mange ribaho bonto nusanna' langkasa'na na lapappijanjangangi mange ri Ia sikonjo pakkaraengang lino surangang kabajikanna,

1 KORINTUS 15:52

lalang risipappikkaang mata jua, rihattu ammonina timboe' kala'busang na sikuanna tau mate laripakaattallasa muliang lalang rikatallasang nugelemo lapanra' na ditte ngase' laripinra.

1 KORINTUS 7:31

Bodona pau, tau make injo pa'barang-barangang ri lino assimpolekalena tugele make. Saba' lino assimpole nuriisse' injo konni-konnina laallaloi.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

EFESUS 2:2

Kau tallasa lalang ri injo, saba' mupinahanginna pa'lalangang ri lino inni, kau tunru' ri tukahasa pakkaraengang ri langi', iamo intu nyaha nukonni-konnina rie'i anjama ritangnga-tangngana sikuanna tau doraka.

EFESUS 6:12

saba' pa'bundukanta gele laa'bali ri rara na assi, mingka laa'bali risikonjo pamarenta, a'bali risikonjo tukahasa, laa'bali risikonjo kahasa kakalammangang ri lino inni, laa'bali setang daa sipa'na nurie' injo ri langi'.