LUKAS 4:43 - Kitta' Passitallikang Bau KAREBA BAJI'

⁴³ Mingka appaui Isa mange ri iyai, ”Ri kota-kota maraeng injo parallu todo'i Kupiissekiang Injili Pakkaraengang Allataala, iamo injo saba'na Nakke risuro.”

LUKAS 4:43 Iomraidhean Croise

MATIUS 4:23

Manna Isa a'lili'i risibatu Galilea; Ia ngajarai lalang risikonjo sapo passambajangang na appala'bangi Injili Pakkaraengang Suruga surang appakagassingi lohe tau ritangngana bangsa injo battu risikonjo garring na kalammaannai.

MARKUS 1:35

Ngesala kalejuapai, saba' kalammang juapai, ambaummu Isa na ansulukang kota. Ia a'lampai mange ri tampa' sino na ngera doawaangi.

YAHYA 20:21

Jari lakuamo pole Isa, ”Dame salehangang ri kaui! Assimpole Amma assuro ri Nakke, assimpole todo'i injo konni-konnina Nakke assuro mange ri kaui.”

YAHYA 9:4

Ditte parallui rigeokang jamaanna Tuassuro injo ri Nakke, ampa rie' juapa matanna allo; kalarie' bangngi sa'genna gelemo rie' manna se're tau akkulle anjama.

PAU-PAUWANNA SIKONJO SURO-SURO 10:38

iamo intu passala'na Isa battu ri Nazaret. Anteekamua Allataala labarakkaki Isa ri Nyaha Tangkasa na kahasa, Ia, tua'lingka-lingka injo mange-mange ampai a'geo' baji' na appakagassingi risikuanna tau lakahasai Ibilisi, saba' Allataala minahang ri Ia.

2 TIMOTIUS 4:2

Pala'banglaloi pauna Allataala, sanging sadiako baji' iyareka daa hattu, pappisa'biangi apa nusala, to'ro surang piu'rangilaloi lalang risikonjo kasabbarang surang pangajarang.