LUKAS 4:35 - Kitta' Passitallikang Bau KAREBA BAJI'

³⁵ Mingka riga'garai ri Isa, ”Sannangko, ansulu'ko ri ia!” Setang injo lapatappasa tau injo ritangngana tau lohe, ampai ansulu' battu ri ia na gelejuai lapa'ri-pa'risi.

LUKAS 4:35 Iomraidhean Croise

MATIUS 17:18

Ia riga'gara bakka' ri Isa, jari ansulu'mu setang injo battu ri ia na gassing siba'lalo ana' injo.

MATIUS 8:26

Ia appau mange ri iyai, ”Ngura malla'ko, oe kau tau kurang tappa' intu?” Jari ambaungi Isa nalaga'gara anging surang tamparang la'ba injo, sa'genna tamparang la'ba injo a'jari sanna' luba'na.

MARKUS 1:26

Setang injo lapakaambibi-bibi tau injo, na akkariu' bakka'i ampai ansulu' battu ri tau injo.

MARKUS 4:39

Jari ambaungi Isa na laga'gara anging parupusu injo na lakua mange tamparang la'ba injo, ”Ammariko! Sannangko!” Jari luba'mu anging parupusu na tamparang la'ba injo a'jari sannang.

MARKUS 9:26

Jari ansulu'mu setang injo na akkari'-kariu' na lapage'gese sarro ana' injo. Ana' injo kajanjangang assimpolemu tau mate, jari lohemo tau appau, ”Ia matemu.”

LUKAS 11:22

Mingka ampa rie' tau la'bi sa'gakang laehai na labetai, jari tau injo laalle ngase'i sanjata nulapa'baraniang injo, na lapa'dahu-dahuangi nulaalle injo.

LUKAS 4:23

Maeng injo appaui Isa mange ri iyai, ”Tantu lamupauna pakkalebarangang inni mae ri Nakke: Oe sanro, pakagassingi riolo kalemmu. Geokang todo'i ri inni mae, ri tampa' kalaheramMu, sikonjo kajariang nutalangngere injo ri Kapernaum!”

LUKAS 4:39

Jari ammentengi Isa ri sa'rinna bahine injo, ampai laga'gara rammung injo, jari a'lampa toje'i rammung injo ri ia. Ambaummu lassiri bahine injo na a'daha-dahai.

LUKAS 4:41

Battu ri tau lohe injo rie' todo' setang ansulu' ampai ngariuki, ”Kaumo Ana' Allataala.” Jari Ia appisangka terasai ri iyai na gele lapa'biangi a'bisara, saba' iyai injo laisse'i ma'nassana Iamo Almase.

LUKAS 8:24

Jari mange ana'-ana' gurunNa laronrongi Isa, lakua, ”Guru, guru, latallangki!” Jari ambaungi Isa, ampai laga'gara anging surang bombang bakka' injo. Jari luba'mu anging injo na tamparang la'ba injo a'jari sannang.

LUKAS 9:39

Ia a'lellengi labattui setang, ampai sikali ngariu' na lapakangappa'-ngapparai sa'genna a'busa-busa babana. Nyaha daa injo tarru'-tarrusui lasissa ana'ku na assimpolekalena gelemu lalabokoi.

LUKAS 9:42

Na rihattu seppa'namo ana' injo ri Isa, ripatappasai ri setang injo naung ri tana na lapatopa-topai. Mingka Isa laga'gara bakka'i setang injo na lapakagassingi ana' injo, ampai lapahuliang mange ri ammanna.

PANJANJANNA YAHYA 12:12

Injomo saba'na a'rannu-rannumoko, oe suruga na oe kau ngase' tuammari lalang ri injo, silakamo kau, oe tana surang tamparang! Saba' Ibilisi mangemu ri kau, lalang rikahussangang sarrona, saba' ia laisse'i ma'nassana simpirimu hattu.”