LUKAS 4:25 - Kitta' Passitallikang Bau KAREBA BAJI'

²⁵ Ampa pole, Nakke appau mange ri kau, na toje'i pauKu inni: Ri jammanna Nabbi Elia lohe bahine balu-balu ri Israele rihattunna tattongko' langi' talluntaung na annambulang sallona surang rihattu sarrona kalarakang risikonjo tampa'.

LUKAS 4:25 Iomraidhean Croise

MATIUS 20:15

Gelejua a'ra'-a'ra'ku make ri anungku assituru' a'ra'na atiku? Iyareka siriatikoka, saba' lumui nyahaku?

LUKAS 10:21

Rihattu injo te'ne todo'i Isa lalang Nyaha Tangkasa, na lakua, ”Nakke sukkuru mange ri Kau, Amma, Karaeng ri Suruga na ri lino, saba' iangase'na injo Musa'bui ri tau anralang injo pangisse'na surang mange ri tau sara'de' injo, mingka Mupappiissekangi ri tau ki'di' inni. O Amma, iamo injo nubaji' mange ri Kau.

ROMA 9:15

Saba' Ia appau mange ri Musa, ”Nakke lanaro pangamaseang mange ri inai Kukaa'raki Kupanaroi pangamaseang na Nakke laa'baji' nyaha mange ri inai Kukaa'raki Kupaa'baji' nyahai.”

ROMA 9:20

Inaiko, oe rupatau, namugaga Allataala? Akkulle juaika turipaa'jari injo appau mange ri tuappaa'jarina, ”Ngura nakke mupaa'jari appakonjo?”

EFESUS 1:11

Nakke appau ”lalang ri Almase”, saba' lalang ri Iamo kambe risare dahuang – ditte tuminang ripakaramulana maeng ripile ri Allataala assituru' a'ra'na Allataala, tuanjama injo ri iangase'na assituru' katappukang ria'ra'Na to'jua –

EFESUS 1:9

Saba' Ia maeng lapappisa'biammu harasia a'ra'Na mae ri ditte, assituru' surangang naha-nahanNa, iamo intu naha-nahanNa nubattu ripakaramulana maeng latantuammo Allataala lalang ri Almase

YAKOBUS 5:17

Elia injo rupatau samara to'juai assimpole ditte, na ia attoje'-toje'i ngera dowaang, solanna andai turung bosi, na toje'i bosi injo gelei turung ri tana talluntaung annambulang sallona.

PANJANJANNA YAHYA 11:6

Iyai rie' kahasana lanongko' langi', solanna gelei turung bosi rihattunnai juapa assare panjanjang. Ri iyai rie' todo' kahasa mange risikonjo ere lalapinrai a'jari rara, na anrabung lino lalang risikonjo rupanna bala-bala, ampa lakaa'rakii.