LUKAS 3:7 - Kitta' Passitallikang Bau KAREBA BAJI'

⁷ Maeng injo ia appaui mange ri tau lohe rie' injo laririo ri ia, ”Oe kau sossorang saa moso intu! Inaimo lappiu'rangi mange ri kau solanna a'lili battu rihukkunganna Allataala nularie' injo mae sallo'?

LUKAS 3:7 Iomraidhean Croise

MATIUS 12:34

Oe kau pinangka' saa moso, anteekamua kau akkulle appau passala nubaji', na kau to'jua daa? Saba' nulapau inni baba ansulu'i battu ri ati.

MATIUS 23:33

Oe kau daa intu sipa'na, oe kau sossorang daa intu! Anteeko kamua lama'ring lappasa battu rihukkunganna naraka?

MATIUS 3:6

Iyai tulaani injo kadorakaanna ririo ri Yahya ri Balang Yordan.

YAHYA 8:44

Kau assala'mui battu ri ammammu, iamo intu Ibilisi, na a'ra'i mugeokang sikonjo nulakaa'raki injo ammammu. Ia intu pahuno-huno tau minang ripakaramulana na gele attallasa lalang rikanabaang. Ampa ia appau injo sanging bura, ia appaui battu ria'ra' kale-kalena jua, saba' ia intu pa'buraang na ammai risikuanna tau pa'buraang.

PAU-PAUWANNA SIKONJO SURO-SURO 13:10

na appaui, ”Oe ana' Ibilisi, rassiko lohe rupanna bura na sipa' daa, kau balinna sikonjo katojekang, geleko laammono' appalekko Pa'lalangang Karaeng nulambusu injo.

1 TESALONIKA 1:10

na attajang pariekanna Ana'Na battu ri suruga, numaeng lapakaattallasa injo muliang Allataala battu ritangnga-tangngana tau mate, iamo intu Isa, tuappakasalama' injo ri ditte battu rikuku'na Allataalla nularie' injo sallo'.

IBRANI 6:18

Rua injo passala nugele akkulle appinra na Allataala gelei ma'ring a'bura-bura ripassala injo. Injomo saba'na ditte tua'boja inni pa'lengukang, nguppaki katerasang laa'bitantang ripattajalliang nurie' injo ri a'rakanta.

1 YAHYA 3:8

inai tulusu anggeokang kadorakaang, assala'na nubattu ri Ibilisi, saba' minang ripakaramulana Ibilisi tarru'-tarrusui anggeokang kadorakaang. Iamo inni pattujunna Ana' Allataala lapappijanjangang kalenNa, iamo intu Ia laappakamate risikonjo panggeokanna Ibilisi.