LUKAS 24:6 - Kitta' Passitallikang Bau KAREBA BAJI'

⁶ Ia tide'i ri inni, Ia attallasai muliang! U'rangi numaeng lapau injo mange ri kaui, rihattunna juapa rie' ri Galilea,

LUKAS 24:6 Iomraidhean Croise

MATIUS 12:40

Saba' assimpole Yunus ammari lalang ri pompong juku' bakka' tallu allo tallu bangngi, appakonjo todo'i Ana' Rupatau laammari lalang ri pomponna tana inni tallu allo tallu bangngi.

MATIUS 16:21

Pakaramula rihattu injo Isa lapappiissekangi mange ri ana'-ana' gurunNa ma'nassana Ia parallui laa'lampa mange ri Yerusalem na lananggongi lohe kasissaang battu ri tutoa-toa, risikonjo imang ponggaha na risikonjo guru Tora', ampai rihuno na attallasai muliang ri allo makatalluna.

MATIUS 27:63

na lakuai, ”Karaeng, tau'rangi ma'nassana rihattu attallasa'Na juapa tuappalingu injo maengi lapau: Ri allo makatalluna Nakke laattallasa muliang.

MATIUS 28:6

Ia tide'i ri inni, saba' Ia attallasamu muliang, assimpole numaeng injo lapau. Maeko, janjangi tampa'Na ripaonrang.

MARKUS 16:6

mingka appaui taruna injo mange ri iyai, ”Akomo mallaki! Kau mubojai Isa tau nazaret injo, Turisalli' injo. Ia attallasai muliang. Ia tide'mu ri inni. Janjangi! Iamo inni tampa'na lapaonrangi Isa.

MARKUS 8:31

Maeng injo pakaramulamu Isa ngajara mange ri iyai ma'nassana Ana' Rupatau parallui lananggong lohe kasissaang na laritolla'i ri tutoa-toa, risikonjo imang ponggaha surang risikonjo guru Tora', ampai rihuno mingka laattallasai muliang ri allo makatalluna.

LUKAS 24:34

Lakuaimo suro-suro injo, ”Sitoje'na Karaeng Isa attallasai muliang na maeng lapappijanjangangi kalenNa mange ri Simon.”

LUKAS 24:5

Sanna' malla'nai jari joppa' ngase'mu, mingka appaui tau rua injo mange ri iyai, ”Ngura mubojai Ia Tuattallasa injo, ritangnga-tangngana tau mate?

LUKAS 9:22

Maeng injo appaui Isa, ”Ana' Rupatau parallui lananggong lohe kasissaang na laritolla'i ri tutoa-toa, sikonjo imang ponggaha na guru Tora', ampai rihuno na attallasai muliang ri allo makatalluna.”

LUKAS 9:44

”Pilangngeri na pina'na' baji' ngase'i inni pauKu: Ana' Rupatau laripassareangi lalang limanna rupatau.”

PAU-PAUWANNA SIKONJO SURO-SURO 2:24

Mingka Ia ripakaattallasai ri Allataala sungka'na Ia maemmo ripakalappasa battu rikasissaang kamateang, saba' Ia gele ma'ring tulusu rikahasai ri kamateang injo.

2 TESALONIKA 2:5

Geleika muu'rangi ma'nassana passala injo maeng a'mole-molemu kupau mange ri kaui, rihattungku juapa assurang-surang kau?