LUKAS 24:30 - Kitta' Passitallikang Bau KAREBA BAJI'

³⁰ Rihattu attolonna Isa langanre surang iyai, Ia ngallei roti, masa barakka'i, maeng injo latu'be-tu'bei ampai lasareangi.

LUKAS 24:30 Iomraidhean Croise

MATIUS 14:19

Maeng injo Ia lasuro tau lohe injo attolong ri ruku'. Ri laalleNa roti limambatu na juku' ruangkaju injo, ammongai Isa nai' ri langi' na masa barakka'i. Ia latu'be-tu'be roti injo na lapassareangi ri suro-suroNa, jari suro-suroNamo lapa'dahu-dahuangi mange ri tau lohe injo.

MATIUS 15:36

Maeng injo Ia laalle tujumbatuiya roti surang juku' ki'diki injo, masa barakka'i, latu'be-tu'bei na lapa'dahu-dahuangi mange ri suro-suroNa, na suro-suroNamo lapa'dahu-dahuangi mange ri tau lohe injo.

MATIUS 26:26

Rihattu nganrenai juapa, Isa ngalle roti, masa barakka'i, labissa'-bissa'i roti injo ampai lapassareang mange ri suro-suroNa na lakua, ”Allei, kanrei, iamo inni batangkalengKu.”

MARKUS 14:22

Rihatunna Isa surang suro-suroNa attangnga nganre, Isa ngalle roti, masa barakka'i, latu'be-tu'bei ampai lapa'dahu-dahuang mange ri iyai na lakua, ”Allei, iamo inni batangkalengKu.”

MARKUS 6:41

Sungka'i laalle roti limambatu injo surang juku' ruangkaju injo, ammongai Isa nai' ri langi' masa barakka'i, ampai latu'be-tu'be roti injo na lapassareangi mange ri suro-suroNa, solanna lapassareangi mange ri tau lohe injo; appakonjo todo'i juku' ruangkaju injo lapa'dahu-dahuangi mange ri iyai ngase'.

MARKUS 8:6

Maeng injo lasuro tau lohe injo attolong ri tana. Sungka'i attolong ngase'mo Isa laalle roti tujumbatu injo, masa barakka'i, latu'be-tu'be na lapassareangi mange ri suro-suroNa solanna lapa'dahu-dahuangi mange ri tau lohe injo.

LUKAS 22:19

Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.”

LUKAS 24:29

Mingka sarro pamassainna ri Ia, lakua, ”Abangngimuki riolo surang kambe, saba' laa'birimmu bangngi na seppa' tommoi sa'ra' matanna allo.” Jari antama'i Isa laassurangi a'bangngi.

LUKAS 24:35

Jari tau rua injo lalagarai apa numaeng kajariang ritangnga lalang na anteekamua laisseki Isa rihattunna Ia nu'be-nu'be roti.

LUKAS 9:16

Sungka'i maemmo laalle Isa roti limambatu injo surang juku' ruangkaju injo, Ia ammongai nai' ri langi', masa barakka'i, ampai latu'be-tu'be roti injo na lapassareangi ri suro-suroNa solanna lapa'dahu-dahuang mange ri tau lohe injo.

YAHYA 6:11

Rimaenna injo Isa laalle roti injo, masa barakka'i ampai lapa'dahu-dahuang mange risikuanna tau rie' attolong ri injo, appakonjo todo'i lageokang ri juku' injo, assillohe nulakaa'raki tau lohe injo.

PAU-PAUWANNA SIKONJO SURO-SURO 2:42

Lapilangngeri ngase'i pappijo'jo'na suro injo na tulusu asse're-se're ngase'i. Iyai injo sanging paa'rappung laa'dahu-dahu kanre surang ngera dowaang.

PAU-PAUWANNA SIKONJO SURO-SURO 2:46

Lalang rikalogaang na a'julu ati ngase'i asse're allo-allona lalang ri Sapo Allataala. Iyai injo a'lilikangi appakasadia kanre ri saponna na assurang-surangi ngase'i nganre lalang rikarannuang na baji' pa'mai'na,

PAU-PAUWANNA SIKONJO SURO-SURO 27:35

Sungka'i maemmo appau appakonjo, ia ngalle roti, masa barakka'i mange ri Allataala ri a'rakannai ngase' na latu'be-tu'bei roti injo, maeng injo pakaramulamu nganrei.