LUKAS 24:27 - Kitta' Passitallikang Bau KAREBA BAJI'

²⁷ Jari laseseimu Isa mange ri iyai nuta'ukiri injo passala ri Ia lalang risikonjo Kitta' Tangkasa, pakaramula battu ri Kitta'na Musa surang sikonjo kitta' nabbi-nabbi.

LUKAS 24:27 Iomraidhean Croise

MARKUS 4:34

na ampa gele pakkalebarang Isa gele appau mange ri iyai, mingka mange ri suro-suroNa Ia lasesei baji'i sikonjo numaeng lapau lalang ri pakkalebarang.

LUKAS 24:25

Jari appaui Isa mange ri iyai, ”Oe kau tau ba'ga, sabala toje'i atimu latappa' risikuanna numaeng injo lapau nabbi!

LUKAS 24:44

Appaui Isa mange ri iyai, ”Iamo inni pauKu, numaeng Kupau injo mange ri kau rihattungKu juapa rie' assurang kau ma'nassana parallui laripa'rupa sikonjo nurie' ta'ukiri ripassala'Ku lalang ri kitta' Tora' Musa na ri kitta'na nabbi-nabbi surang kitta' Zaburu.”

YAHYA 1:45

Filipus laurangi assijanjang Natanael na lakua mange ri ia, ”Kambe tauppamu Ia nulapau injo Musa lalang ri kitta' Tora' surang ri kitta'na sikonjo nabbi.”

YAHYA 12:41

Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.

YAHYA 5:37

Amma Tuassuro injo ri Nakke, Iamo maeng assa'bi ri Nakke. Kaui gele minang mulangngere sa'ranNa, manna tappaNa gele minang mujanjangi,

YAHYA 5:39

Kau musalidiki sikonjo Kitta' Tangkasa, saba' pa'ngare'mu ma'nassana lalang ri injo languppaiko tallasa mannannungang, mingka manna appakonjo iangase'na Kitta' Tangkasa injo assare passa'bi mae ri Nakke,

PAU-PAUWANNA SIKONJO SURO-SURO 10:43

Passala'namo Ia sikonjo nabbi assare sa'bi ma'nassana inai tappa' mange ri Ia, languppai pangampungang kadorakaang ripassabakang arenNa.”

PAU-PAUWANNA SIKONJO SURO-SURO 3:18

Mingka ri appakonjonamo Allataala lapa'rupai numaeng lapau injo riolo mange ri nabbi-nabbiNa, iamo intu ma'nasana Almase Tulasuro injo parallui lasissa.

PAU-PAUWANNA SIKONJO SURO-SURO 3:22

Gelejua maengi lapau Musa: Karaeng Allataala laappaenteng ri kau se're nabbi battu ri urang siana'mu, assimpole nakke: Iamo pilangngeri lalang risikuanna nulapau injo mange ri kau.

PAU-PAUWANNA SIKONJO SURO-SURO 3:24

Injo pole, sikonjo nabbi maeng ngase'i labisara, pakaramula Nabbi Samuel, na turie' injo mae ribokoanganna ia, maeng lapappasangangi ripassala'na jammang inni.

PAU-PAUWANNA SIKONJO SURO-SURO 7:37

Musamo inni maeng appau mange ri taunna Israele: Se're nabbi assimpole nakke inni lalapaenteng Allataala mange ri kau battu ripassianakammu.

PAU-PAUWANNA SIKONJO SURO-SURO 8:35

Jari pakaramulamu Filipus a'bisara na lapoongi battu ri pau injo ia lapappiissekangi Injili ripassala'na Isa mange ri ia.

PANJANJANNA YAHYA 19:10

Nakke pole joppa' ri a'rakang bangkenna lanyomba ri ia, mingka ia appau mae ri nakke, ”Akomo appanggeokang appakontu! Nakke inni ata, assimpole kau surang sikonjo urang siana' julu katappakammu, turie' injo passa'bina ripassala'na Isa. Sombai Allataala! Saba' passa'bi battu ri Isamo intu lapakaakkullei tau inni anjanjang ripassala allo riboko.”