LUKAS 23:4 - Kitta' Passitallikang Bau KAREBA BAJI'

⁴ Appaui Pilatus mange risikonjo imang ponggaha na ri tau lohe rie' ri injo, ”Gelea nguppa kasalaang manna siso'di' ri tau inni.”

LUKAS 23:4 Iomraidhean Croise

MATIUS 27:19

Rihattu attolonna Pilatus ri kadera pangadelang, bahinenna appikatu pasang mange ri ia, ”Ako mupantama-tamai palakarana tau baji' intu, saba' kanara Ia narubangngi sanna' sissaku lalang riso'na.”

MARKUS 15:14

Jari appaui Pilatus mange ri iyai, ”Mingka apa geo' sala Ia maeng lageokang?” Mingka pela' bakka'i sa'rannai a'gora, ”Salli'i Isa!”

LUKAS 23:22

Lakua Pilatus makapintallunna mange ri iyai, ”Sitoje'na panggeokang daa anteekamua numaeng lageokang tau inni? Gele rie' kasalaang manna siso'di' kurumpa ri Ia, nasiratangi larihukkung mate. Jari, lakurabunna jua, ampai kulappasang.”

PAU-PAUWANNA SIKONJO SURO-SURO 25:25

Mingka rikuisse'na ma'nassana tau inni tide' jua panggeokang sala maeng lageokang manna se're nasiratangi larihukkung mate, na kanara a'ra'na lamange ri Kaisar, kutappukimu kusuro erangi mange ri Kaisar.

PAU-PAUWANNA SIKONJO SURO-SURO 3:13

Allataala ri Abraham, ri Ishak surang ri Yakub, Allataalana puwa-puwata maeng lapakala'biri suroNa, iamo intu Isa tumaeng mupassareang injo na musangkali ri a'rakanna Pilatus, manna injo Pilatus latappuki lalapakalappasa Isa.

IBRANI 7:26

Saba' Imang Bakka' appakonjomo riparalluang: iamo intu tumallang ri Allataala, tide' geo' salana, tide' daana, assisalai battu risikuanna tau doraka na la'bi langkasangi battu risikonjo alla'-alla'na suruga.

1 PETRUS 1:19

mingka surangang rara ka'jala, iamo intu rarana Almase nuassimpole rara ana' jimbala tide' injo daana na tide' sallaanna.

1 PETRUS 2:22

Ia gelei a'bua' kadorakaang, na bura gele rie' lalang ri babaNa.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.