LUKAS 23:11 - Kitta' Passitallikang Bau KAREBA BAJI'

¹¹ Injo pole Herodes surang tantarana assalla na attua-tua ri Isa, lapipakei baju bakka' kakaraengang mange ri Isa ampai lasuro erang muliang mange ri Pilatus.

LUKAS 23:11 Iomraidhean Croise

MATIUS 14:1

Rihattu injo ambattumu karebana Isa mange ri Herodes, karaeng ri tampa' injo.

MATIUS 14:3

Toje'i Herodes maeng lasuro lajakkalai Yahya, lasangkalai na latarungkui, ripassala kajariang Herodias, bahinenna Filipus uranna siana'.

MATIUS 14:6

Mingka rihattu attamma taunna Herodes, attari-tariammu ana' bahinena Herodias ri a'rakanna tau lohe injo na lapakarannu nyahana Herodes,

MARKUS 9:12

Pappihalinna Isa mange ri iyai, ”Toje'i Elia larie' la'bi riolo na lalapakabaji'i sikuanna. Injojua, anteekamua nurie' injo ta'ukiri ripassala'na Ana' Rupatau ma'nassana Ia lasanna' sissaNa surang laritua-tuai?

LUKAS 23:10

Rihattu injomo sikonjo imang ponggaha na guru Tora' rieki todo'i mange ri a'rakang na tulusu appitinai mange ri Isa.

YAHYA 19:5

Jari ansulukangi Isa, make songko' kakaraengang battu ri katinting na make todo'i pakeang baju bakka' kamummu'. Jari appaui Pilatus mange ri iyai, ”Tangaramu tau intu!”

YAKOBUS 2:2

Saba', ampa rie' se're tau minahang antama' ripasse're-se'reammu surangang ammake sinsing bulaeng na ballo pakeanna na rie' todo' se're tau kaasi-asi ammake pakeang daa.

YAKOBUS 2:3

Na ngalikiko ri tau ballo injo pakeanna na appauiko: ”Mange ri ia, ri tampa' baji' inniki attolong!”, na mange ri tau kaasi-asi injo kau mupaui: ”Ammentengko konjomange!” iyareka: ”Attolongko ri lapara inni riampi' bangkengku!”