LUKAS 22:52 - Kitta' Passitallikang Bau KAREBA BAJI'

⁵² Rimaenna injo akkuta'nangi Isa mange risikonjo imang ponggaha na risikonjo ponggaha pajaga ri Sapo Allataala surang ri tutoa-toa rie' injo lalajakkalai, ”Pa'ngare'mu Nakke inni palukka', jari riekiko mae ngerang pa'dang surang panrabung?

LUKAS 22:52 Iomraidhean Croise

MATIUS 26:47

Rihattu a'bisarana juapa Isa rie'mu Yudas, sala se're tau battu ri suro-suro sampulorua injo, na ngurangi sibakkalang bakka' tau ngerang pa'dang surang panrabung, turisuroi battu risikonjo imang ponggaha na tutoa-toana Yahudi.

MATIUS 26:55

Rihattu injo Isa appaui mange ri tau lohe, ”Pa'ngare'mui Nakke inni palukka', jari riekiko mae sangka' muerang pa'dang na panrabung lamujakkalia? Na allo bangngi jua Nakke attolong ngajara ri Sapo Allataala, na gelea mujakkali ri injo.

LUKAS 22:37

Saba' nakke appau mange ri kaui ma'nassana pau ri Kitta' Tangkasa inni parallui laripa'rupa ri Nakke: Ia laripassimpole risikonjo Tau appakajuja. Saba' apa nuta'ukiri passala ri Nakke injo ripa'rupamu.”

LUKAS 22:4

Yudasmo a'lampa mange ri imang ponggaha na ri ponggahana pajaga Sapo Allataala na assibisarai ngase'i, anteekamua ia akkulle lapassareang Isa mange ri iyai.

LUKAS 22:51

Mingka appaui Isa, ”Ammono'ko.” Maeng injo Ia lakaraha tolinna tau injo na laapadakki'i muliang.

LUKAS 22:53

Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”

YAHYA 17:12

Rihattu assurangingKu juapa, Kupiara ngase'i lalang arenTa numaeng Ripassareang injo mae ri Nakke; maeng Kujagai ngase'i jari gele rie' manna se're tau battu ri iyai lamate passangadinna tumaeng injo jua ritantuang lamate, solanna ripa'rupa nuta'ukiri injo lalang ri Kitta' Tangkasa.

PAU-PAUWANNA SIKONJO SURO-SURO 5:26

Maeng injo a'lampamu ponggahana pajaga injo surang urang-uranna mange ri Sapo Allataala, ampai laalle suro-suro injo, mingka gelejuai ri alle passa, saba' malla'i, barang labundukii batu tau lohe injo.