LUKAS 22:41 - Kitta' Passitallikang Bau KAREBA BAJI'

⁴¹ Maeng injo a'lampai Isa lasa'la' kalenna battu ri iyai larie'i barang sipambundukang batu derena, ampai akkolantu' na ngera dowaangi,

LUKAS 22:41 Iomraidhean Croise

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

MARKUS 14:35

Ia mangei ri a'rakang siso'di', joppa'i naung ri tana na ngera dowaangi, solanna so'di injo ma'ringi, allalo hattu injo ri a'rakanNa.

LUKAS 18:11

Ammentengi tau Farisi injo na ngera dowaangi, appakonni: O Allataala, nakke sukkuru mange ri Kau, saba' gelea assimpole sikuanna tau maraeng, gelea tau palukka', gelei daa geo'ku', gelea pasangkili, na gele todo'a assimpole palele sima inni;

LUKAS 18:13

Mingka palele sima injo ammenteng dere juai, na gele todo'i barani ammonga nai' ri langi', mingka ia tulusu lapurusu barambanna na lakua: O Allataala, rikamaseangi tau doraka inni.

PAU-PAUWANNA SIKONJO SURO-SURO 20:36

Sungka'i maeng lapau pau injo akkolantu'i Paulus na assurang-surang ngase'i ngera dowaang.

PAU-PAUWANNA SIKONJO SURO-SURO 21:5

Mingka sungka'i lappasamo hattunna, a'lingkamakang isse' tatarrusang lampaba. Sikuanna tau tappa' ri Isa assurang-surangi bahinenna na ana'-ana'na larurungkang sa'genna pantarang kota; na ri biring bonemakang akkolantu' ngera dowaang.

PAU-PAUWANNA SIKONJO SURO-SURO 7:60

Riakkolantu'na ia a'nga'ngara bakka'i, ”Karaeng, andai ripitanggongiang kadorakaang inni mange ri iyai!” Rimaenna appau appakonjo, ia matemu.

PAU-PAUWANNA SIKONJO SURO-SURO 9:40

Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong.

IBRANI 5:7

Lalang tallasa'Na assimpole rupatau, Ia appassidakka dowaang surang pangera lalang riparau na ere mata mange ri Allataala, tuakkulle injo lapakasalama'i battu rikamateang, na kanara rikalambusanna Ia maeng ripilangngerimu.