LUKAS 22:37 - Kitta' Passitallikang Bau KAREBA BAJI'

³⁷ Saba' nakke appau mange ri kaui ma'nassana pau ri Kitta' Tangkasa inni parallui laripa'rupa ri Nakke: Ia laripassimpole risikonjo Tau appakajuja. Saba' apa nuta'ukiri passala ri Nakke injo ripa'rupamu.”

LUKAS 22:37 Iomraidhean Croise

MARKUS 15:27

Ri injo rie' todo' rua tau palukka' uranna Isa risalli', sitau risa'ri kananNa na sitauang injo risa'ri kairinNa. [

MARKUS 15:28

Ri appakonjona ripa'rupai pauna Kitta' Tangkasa inni nulakua injo, ”Ia larirekengi antama' ri uranna sikuanna tau daa geo'Na.”]

LUKAS 18:31

Isa lakeo'i sampulo injo rua suro-suroNa, ampai appau mange ri iyai, ”Konni-konnina laa'lampaki mange ri Yerusalem na iangase'na numaeng laukiri sikonjo nabbi risesena Ana' Rupatau laripa'rupa.

LUKAS 22:22

Saba' Ana' Rupatau laa'lampai assituru' numaemmo ritantuang, mingka silakamu tulapassareang injo!”

LUKAS 22:36

Pappihalinnai ngase', ”Gelekang manna siso'di'.” PauNa mange ri iyai, ”Mingka konni-konnina, inai rie' pamunaang doe'na parallui laerang, appakonjo todo'i turie' injo pamunaang bokonna; na inai gele rie' laampunnai parallui labalukang baju bakka'na ampai ammalli pa'dang.

LUKAS 22:52

Rimaenna injo akkuta'nangi Isa mange risikonjo imang ponggaha na risikonjo ponggaha pajaga ri Sapo Allataala surang ri tutoa-toa rie' injo lalajakkalai, ”Pa'ngare'mu Nakke inni palukka', jari riekiko mae ngerang pa'dang surang panrabung?

LUKAS 23:32

Rie' todo' rua tau maraeng rirenreng, iamo intu rua tau palukka' bakka' larihukkung mate surangi Isa.

LUKAS 24:27

Jari laseseimu Isa mange ri iyai nuta'ukiri injo passala ri Ia lalang risikonjo Kitta' Tangkasa, pakaramula battu ri Kitta'na Musa surang sikonjo kitta' nabbi-nabbi.

YAHYA 10:35

Ampa iyai, mange ri nai pau injo ripabattu, riare' tau-tau sombaang – na Kitta' Tangkasa inni gele akkulle ripassala –,

YAHYA 17:4

Nakke maeng appakala'biri ri Ditte ri lino inni lalang Kupa'maenna jama-jamaang Ripassareang injo mange ri Ia lalageokang.

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

GALATIA 3:13

Almase maeng lapakalappasiko battu ripattadeana hukkung Tora' saba' iamo a'jari pattadea mae ri ditte, saba' rie' ta'ukiri: ”Laallelalo pua tau rigojeng injo ri kaju salli'!”