LUKAS 22:36 - Kitta' Passitallikang Bau KAREBA BAJI'

³⁶ Pappihalinnai ngase', ”Gelekang manna siso'di'.” PauNa mange ri iyai, ”Mingka konni-konnina, inai rie' pamunaang doe'na parallui laerang, appakonjo todo'i turie' injo pamunaang bokonna; na inai gele rie' laampunnai parallui labalukang baju bakka'na ampai ammalli pa'dang.

LUKAS 22:36 Iomraidhean Croise

MATIUS 10:10

Akolalo ngerang purukang pamunaang bokong ripa'lingkaammu, akolalo ngerang ruallahara baju, sandala iyareka tukkang, saba' se're tau pajama siratangi lauppa sahala'na.

LUKAS 22:35

Maeng injo appaui Isa mange ri iyai, ”Rihattu Kusuroimmu a'lampa gele ngerang pamunaang doe', pamunaang bokong na sandala, apa geleiko kagannakang?”

LUKAS 22:37

Saba' nakke appau mange ri kaui ma'nassana pau ri Kitta' Tangkasa inni parallui laripa'rupa ri Nakke: Ia laripassimpole risikonjo Tau appakajuja. Saba' apa nuta'ukiri passala ri Nakke injo ripa'rupamu.”

LUKAS 22:38

Lakuaimo, ”Karaeng, inni rie' rua pa'dang.” PappihalinNa mange ri iyai, ”Ganna'mu intu.”

YAHYA 15:20

U'rangimu numaeng injo Kupau ri kaui: Se're ata gele lala'bi langkasang battu ri tau lapaa'jari injoi ata. Ampa iyai injo maeng ma'ri'-ma'risi ri Nakke, iyai todo' injo lama'ri'-ma'risi ri kaui; ampa iyai injo maeng minahang ripauKu, injo laturuki todo'i paumu.

YAHYA 16:33

Iangase'na injo Kupau mange ri kaui, solanna nguppaiko dame salehangang lalang ri Nakke. Lalang ri lino inni lasissaiko ripama'ri'-ma'risi, mingka pakasa'ga'i nyahamu, saba' Nakkemo ambeta lino.”

1 TESALONIKA 3:4

Saba', kambe rihattu assurang-surangta todo', maemmu tapau mange ri kaui ma'nassana ditte languppa kasukkarang. Assimpole numuisse' injo, passala injo maemmu a'jari.

1 PETRUS 4:1

Jari, kanara Almase maeng sissa batangkale, kau pole parallu todo' mupakasadia kalemmu surangang pikkirang appakonjo. Inaimo maeng risissa batangkalenna, ia ammono'mu anggeokang kadorakaang.