LUKAS 22:32 - Kitta' Passitallikang Bau KAREBA BAJI'

³² mingka Nakke maeng Kupangera dowaangangiko, solanna tappa'mu andai appinra. Na kau, ampa ngu'rangimoko, pakaterasai katappakanna urammu siana'.”

LUKAS 22:32 Iomraidhean Croise

MATIUS 18:3

ampai appau, ”Sitoje'na Nakke appau mange ri kaui, ampa geleko jarra na a'jari assimpole ana' ki'di' inni, geleko laantama' lalang ri Pakkaraengang Suruga.

MATIUS 26:75

Jari lau'rangimu Petrus rinulapau injo Isa mange ri ia, ”Rigelenapa akkongkoroa' jangang, kau pintallumma musassali.” Jari ia a'lampai ansulukang na apparau bakka'i pammate pa'risi'na.

MARKUS 14:72

Rihattu injo sikali akkongkoroa'mu jangang makapinruang. Ngu'rangi Petrus rima'nassana Isa maengi appau mange ri ia, ”Rigelenapa akkongkoroa' jangang pinruang, kau pintallumma musassali.” Jari ammarrang tassunge'nge' mamoi Petrus.

MARKUS 16:7

Mingka konni-konnina a'lampaimoko, na jarrungiangi mange risikonjo ana'-ana' gurunNa na mange ri Petrus. Ia riolomu mange ri Galilea; konjopai mange mujanjangi Isa, assimpole numaeng injo lapau Isa mange ri kaui.”

LUKAS 8:13

Nua'dappe' injo ri tana demmapara iamo intu tau ri maennamo allangngere pauna Allataala, latarima baji'i, mingka gele anralang aka'na, sinampe' juai tappaki na rihattu latabainna kasukkarang a'bokoimu.

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

PAU-PAUWANNA SIKONJO SURO-SURO 3:19

Injomo saba'na ngu'rangiko na jarrako, solanna riampungi kadorakaammu,

ROMA 8:32

Ia, tugele injo lapassayang Ana' kalenNa, mingka Ia lapassareangi mae ri ditte ngase', anteekamua lama'ring Ia gele lapasareang ngase' pangamaseanna mae ri ditte assurang ri Ia?

ROMA 8:34

Isa Almase, maemmu mate? Na la'bipa pole; maeng attallasamo muliang, na attolong todo'i ri sa'ri kananna Allataala, na laa'jari Urang ri ditte?

2 TIMOTIUS 2:18

tumaeng a'lili injomo battu riajarang naba injo rihattu lapangajarannai ma'nassana pattallasangta muliang injo kajanjangammu na ri appakonjona manrakii katappakang risibageang tau.

TITUS 1:1

Battu ri Paulus, atanna Allataala surang suro ri Isa Almase laappakajarre' katappakang ri tau ripile injo ri Allataala na pangisse' ripassala kareba baji' battu ri Allataala assimpole nukajanjangang injo ripassambajangangta,

IBRANI 12:15

Katutuilalo solanna anda rie' manna se're tau lapela'i barakka'na Allataala, bisannabali andai attimbo aka' pai' nuappabattu injo pa'beserang na appakadaai lohe tau.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

1 PETRUS 1:1

Battu ri Petrus, surona Isa Almase. Mange risikuanna tau battu-battu alla'bang injo ri Pontus, Galatia, Kapadokia, Asia Ki'di' na Bitinia,

1 PETRUS 1:13

Injomo saba'na, pakabaji' akkala'mu surang pakarie' pappahammu, tutulaloko na pa'batui pattajalliammu mange ribarakka' pangamaseang nularipassareang injo mange ri kaui rihattunna Isa Almase lapappijanjangang kalenNa sallo'.

1 PETRUS 1:5

Iamo intu kau, turikatuho injo lalang ripangamaseanna Allataala patteteang rikatappakammu, rihattu mutajanna kasalamakang numaeng sadia injomo laripappijanjangang ri allo kala'busang.

2 PETRUS 3:14

Injomo saba'na, Urang siana' mala'biri'ku, riattajanta ri iangase'na injo, paralluko apparri-parri solanna Allataala lauppaiko gele rie' sallaammu surang gele rie' karammasammu ri a'rakanNa, lalang ripa'dameang surangang Ia.

1 YAHYA 2:19

Iyai toje'i assala'na tubattu ri ditte, mingka iyai toje'i tugele antama' ri ditte, saba' ampa antama'i risala se'renna ri ditte, iyai tulusu assurang-surangi ri ditte. Mingka passala injo a'jari, solanna kaissekangi ma'nassana iyai ngase' injo gelei antama' ri ditte.