LUKAS 22:3 - Kitta' Passitallikang Bau KAREBA BAJI'

³ Maeng injo antama'mu Ibilisi ri Yudas, turiare' injo Iskariot, sala se'renna ri suro-suro sampulorua injo.

LUKAS 22:3 Iomraidhean Croise

MATIUS 10:4

Simon tau battu ri Zelot na Yudas Iskariot tua'bali' ballang injo ri Ia.

MATIUS 26:23

Appihali Isa, ”Ia tau assurang injo Nakke lalapaloma karameng limanna naung ri kembokang inni, iamo lalapassareanga.

MATIUS 4:10

Jari appihalimu Isa mange ri ia, ”A'lampako, Ibilisi! Saba' rie' ta'ukiri: Kau parallu nyomba Karaeng Allataalamu, na mange jua ri Ia kau akkasihiang!”

LUKAS 22:21

Mingka, janjangi, limanna tau lalapassareang injoa, rie'i assurangki ri mejang inni.

LUKAS 6:16

Yudas ana'na Yakobus, na Yudas Iskariot tau a'bali'ballang injo.

YAHYA 12:6

Passala injo lapaui gele kanara lapariatina tau kaasi-asi inni, mingka ia se'rei palukka'; ia biasai a'kossi'-kossi' doe' tattaro lalang ri purukang lateteng injo.

YAHYA 13:18

Gele mange ri kaui jua Nakke appau. Kuisse'i, inai maeng Kujo'jo'. Mingka parallui ripa'rupa pau inni: Tau lakanre injo rotiKu, laangka'mu kantunu'na mae ri Nakke.

YAHYA 13:2

Rihattu attangngainna surang nganre, Ibilisi maeng labisikimu naha-naha daa lalang ri atina Yudas Iskariot, ana'na Simon, laa'bali'ballang ri Ia.

PAU-PAUWANNA SIKONJO SURO-SURO 5:3

Mingka appaui Petrus, ”Ananias, ngura Ibilisi lakahasai atimu, jari mubura-burai Nyaha Tangkasa injo rimusa'buna sidahuang battu riballi tanamu?