LUKAS 22:19 - Kitta' Passitallikang Bau KAREBA BAJI'

¹⁹ Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.”

LUKAS 22:19 Iomraidhean Croise

MATIUS 14:19

Maeng injo Ia lasuro tau lohe injo attolong ri ruku'. Ri laalleNa roti limambatu na juku' ruangkaju injo, ammongai Isa nai' ri langi' na masa barakka'i. Ia latu'be-tu'be roti injo na lapassareangi ri suro-suroNa, jari suro-suroNamo lapa'dahu-dahuangi mange ri tau lohe injo.

MATIUS 15:36

Maeng injo Ia laalle tujumbatuiya roti surang juku' ki'diki injo, masa barakka'i, latu'be-tu'bei na lapa'dahu-dahuangi mange ri suro-suroNa, na suro-suroNamo lapa'dahu-dahuangi mange ri tau lohe injo.

LUKAS 22:17

Maeng injo Ia ngalle se're galasi anggoro, masa barakka'i, ampai appau, ”Alle inni na paa'dahu-dahuangi ri kaui.

LUKAS 22:20

Lageokang appakonjo todo'i ri galasi anggoro injo rimaenginnamo nganre; lakua Isa, ”Galasi inni iamo passitallikang bau ri raraKu, nuripato'lo' mange ri kaui.

LUKAS 24:30

Rihattu attolonna Isa langanre surang iyai, Ia ngallei roti, masa barakka'i, maeng injo latu'be-tu'bei ampai lasareangi.

YAHYA 6:23

Mingka rihattu injo lohemo pole lopi maraeng a'labu battu ri Tiberias seppa'i ri tampa'nai nganre roti, sungka'i Karaeng maeng lapamasa barakkakang ri roti injo.

YAHYA 6:51

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

1 KORINTUS 10:16

Gelejua santeng pamasa barakkakang injo, nurikanaranamo ditte appanai' sukkuru, iamo passe'reang surangang rarana Almase? Gelejua roti ritu'be-tu'be injo iamo passe'reang surangang batangkalenna Almase?

1 KORINTUS 10:4

na iyai ngase' maengi nginung inungang nyaha alusu nuassimpole, saba' iyai nginungi battu ri batu alasa nyaha alusu tuminahang injo ri iyai, na batu alasa injo iamo intu Almase.

GALATIA 1:4

tumaeng injo lapassareang kalenNa kanara kadorakaanta, lallappasi ri ditte battu ri lino daa inni sipa'na rikonni-konnina, assituru' a'ra'na Allataala na Ammanta.

GALATIA 4:25

Hagar iamo Bonto Sinai ri tana Arab – na ia assimpole Yerusalem hattu inni, saba' ia tallasai lalang pangatai surang ana'-ana'na.

EFESUS 5:2

na tallasa lalang ripangamaseang, appaanteekamua Isa Almase maeng todo'mu ngamaseang mange ri kaui na maeng lapassareammu kalenNa mae ri ditte assimpole passidakka surang koro'bang hau' ri Allataala.

1 TESALONIKA 5:18

Panai'i sukkuru lalang risikuanna passala, saba' iamo injo lakaa'raki Allataala lalang ri Isa Almase mange ri kaui.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

1 PETRUS 2:24

Iamo maeng lasompoi kadorakaanta lalang ri kalenNa ri kaju salli', solanna ditte, tumaeng inni mate kanara kadorakaang, attallasa tujunna kanabaang. Passabakang riloko'-loko'Na kau a'jari pia.