LUKAS 20:36 - Kitta' Passitallikang Bau KAREBA BAJI'

³⁶ Iyai injo gelemu lamate muliang; saba' iyai laassimpolemu malaeka' na iyai injo a'jari ana'-ana'na Allataala, kanara maenginnamo ripakaattallasa muliang.

LUKAS 20:36 Iomraidhean Croise

MATIUS 22:30

Saba' rihattu attallasa injo muliang rikamateang, iyai injo gelemu labonting na gele tommo laripa'bontingang mingka laattallasai assimpole malaeka' ri suruga.

MARKUS 12:25

Saba' rihattu attalasa'naimo muliang battu rikamateang, iyai injo gelemu laa'bonting surang gele todo'mu laripa'bontingang passangadinna tallasa assimpole malaeka' ri Suruga.

ROMA 8:16

Nyaha Tangkasa injomo assa'bi surang nyahata ma'nassana dittemo ana'-ana'na Allataala.

1 KORINTUS 15:26

Bali nukaminang kala'busang, laripakatunru' iamo intu kamateang.

1 KORINTUS 15:42

Appakonjo todo'i passala'na attallasa'na muliang tau maeng mate inni. Batangkale ripatahuru injo lalang rikapanrakaang, ripakaattallasa lalang rinugele injo lapanra'.

1 KORINTUS 15:49

Assimpole ditte maeng makemuki tappa battu rinukasara, appakonjo todo'i ditte lamake tappa battu ri suruga.

FILIPI 3:21

lalapinra tubu kasara'ta inni, sa'genna assimpolei surangang tubu-Na nula'biri injo, assituru' kahasa-Na nuakkulle injo appatunru' ri iangase'na mange ri kalen-Na.

PANJANJANNA YAHYA 20:6

Rannulaloi na tangkasalaloi tau nguppa injo dahuang lalang rikatallasang makase're injo. Kamateng makarua gelemu lakahasa muliang mange ri iyai, mingka iyai laa'jari imang pajampangi ri Allataala surang ri Almase, na iyai lamarenta assimpole karaeng assurangang Ia sisa'bu taung sallona.

PANJANJANNA YAHYA 21:4

Ia lalu'lu'i sikonjo ere mata battu ri matannai na latide'mo kamateang; latide' tommo kapa'risang, iyareka parau, iyareka pa'risi rikamateang, saba' nuriolo injo allalo ngase'mu.”

PANJANJANNA YAHYA 22:9

Mingka ia appau mae ri nakke, ”Akolalo appanggeokang appakontu! Nakkemo ata, assimpole kau surang risikuanna urang siana' julu katappakammu, sikonjo nabbi na ngase'iyai tulaturuki injo sikonjo pauna kitta' inni. Sombalaloi Allataala!”