LUKAS 20:16 - Kitta' Passitallikang Bau KAREBA BAJI'

¹⁶ Kalennamo a'lampa mange ri koko anggoro'na na lalahuno ngase' pasahala injo, ampai lapappijamaang kokonna ri tau maraeng.” Rilalangngerinna injo appau ngasekimu, ”Andalalo appakonjo!”

LUKAS 20:16 Iomraidhean Croise

MATIUS 21:34

Sungka'i seppa'mo hattu panduruang bua anggoro, lasuromu sikonjo atanna mange ripasahala kokonna langalle hassele dahuanna.

MATIUS 21:41

Lakuaimo mange ri Isa, ”Ia lalahuno ngase'i tau daa injo geo'na na koko anggoro'na lalapappisahalangi ri tau maraeng, tulaassare injo hassele'na ampa larapi' hattunna.”

MATIUS 22:7

Sarro kuku'na karaeng injo, jari lasuro ngase'mu tubaranina mange konjo lalahuno todo'i pahuno-huno injo na lasussulu kota pammariannai.

MARKUS 12:9

Lakuamo Isa, Konni-konnina apamo lalageokang opuna koko anggoro injo? Ia lalahuno sikonjo pasahala, ampai lasuro jama koko anggoro'na mange ri tau maraeng.

LUKAS 19:27

Mingka, sikonjo balingku inni, tugele injoa langai a'jari karaenna, erangi mae konni na hunoi ri a'rakang matangku.”

LUKAS 20:15

Jari lapamballungimu ansulukang koko ampai lahunoi. Konni-konni apamo lalageokang opuna koko injo mange ri iyai?

PAU-PAUWANNA SIKONJO SURO-SURO 13:46

Mingka lalang rikabaraniang Paulus surang Barnabas appau, ”Toje'i mange ri kauimo pauna Allataala parallu ripabattu la'bi riolo, mingka gele mutarimai na muare'i kalemmu gele siratang languppa tallasa mannannungang. Injomo saba'na a'gilimmakang mange ri bangsa tau maraeng.

ROMA 11:1

Injomo saba'na, nakke akkuta'nang: Ma'ringika Allataala labokoi umma'Na? Gelei appakonjo! Saba' manna nakke inni tau Israele to'jua, rituina Abraham, battu ripinangka'na Benyamin.

ROMA 11:11

Injomo saba'na, nakke akkuta'nang: Apa iyai injo tatto'ro na parallu a'dappe'? Gelei appakonjo! Mingka saba' rikasalaanna, kasalamakang injo ambattumu mange risikuanna tau maraeng, solanna nyannungi.

ROMA 3:31

Ampa appakonjoi, makala kambe tabokoi hukkung Tora' kanara tappa'? Tide' manna siso'di'! Sibale'na, kambe pela' tapakajarre'i.

ROMA 3:4

Gelei akkulle! Sibale'na: Allataalamo intu naba, na sikuanna rupatau sanging pabura-bura, assimpole rie' ta'ukiri: ”Solanna toje'i kanabaamMu lalang risikonjo pappauMu, na ambeta, ampa Kau riadeli.”

ROMA 3:6

Gelei akkulle! So'di appakonjo, anteekamua Allataala akkulle langadeli ri lino inni?

ROMA 6:15

Jari anteei kamua? Apa laa'bua' juapaki kadorakaang, saba' gelemuki rie' rahangang kahasana hukkung Tora', mingka rahangang kahasana barakka' pangamaseang? Gelei appakonjo!

ROMA 6:2

Gelei appakonjo! Gelejua ditte matemuki rikadorakaang, anteei kamua ditte naakkulle juapaki attallasa ri injo?

ROMA 7:13

Ampa appakonjo, apa nubaji' injo laa'jari kamateang ri nakke? Gelei appakonjo! Mingka solanna a'butti ma'nassana iamo intu kadorakaang, jari kadorakaang injo lapake nubaji' inni laappabattu kamateang mae ri nakke, solanna battu riparenta injo kadorakaang pela' a'rupa assimpole kadorakaang.

ROMA 7:7

Ampa apakonjo, apamo a'ra' laripau? Apa hukkung Tora' injo kadorakaang? Gelei appakonjo! Sibale'na, mingka patteteang ri hukkung Tora'mo nakke ngisse' kadorakaang. Saba' gele todo'i kuisse' apa injo allalo a'ra', ampa gele lapau hukkung Tora': ”Akolalo piti a'ra'-a'raki!”

ROMA 9:14

Ampa appakonjoi, apamo a'ra' laripapau? Geleika adele Allataala? Gele ma'ring!

1 KORINTUS 6:15

Geleika muisseki ma'nassana batangkalemmu ngase' intu bageangi ri Almase? Jari, lakualle bageangika ri Almase na lakupaa'jari batangkale pasundala? Gelei appakonjo!

GALATIA 2:17

Mingka ampa kambe to'jua, rihattumba apparri-parri ripa'naba lalang ri Almase kaissekangi sanging tau dorakai, apa passala injo a'battuangi ma'nassana Almase lapaa'jarikang tau doraka? Gelei appakonjo.

GALATIA 3:21

Ampa appakonjoi, assisalaika hukkung Tora' risikonjo sapattana Allataala? Gelei appakonjo. Saba' so'di injo hukkung tora risareangi assimpole se're nuakkulle appakaattallasa, injo toje'i nabana assala'na nubattu ri hukkung Tora'.

GALATIA 6:14

Mingka nakke gele sikalia a'ra' a'bangga-bangga, rimaraenganna lalang risalli'na Karaengta Isa Almase, saba' rikanaranamo salli' injo lino inni maeng risalli' mae ri nakke na nakke mange ri lino inni.