LUKAS 2:9 - Kitta' Passitallikang Bau KAREBA BAJI'

⁹ Sikalinna rie' se're malaeka'na Karaeng Allataala ammenteng riampi'nai na kala'biranna Karaeng Allataala lasinari siappuna na sanna' mallakinna.

LUKAS 2:9 Iomraidhean Croise

MATIUS 1:20

Mingka rihattunna ia latimbang-timbang pattujunna, malaeka'na Allataala kajanjangang mange ri ia riso'na na appaui, ”Yusuf, ana' Daud, akomo malla' mualle Maria a'jari bahinemmu, saba' ana' nurie' injo lalang ri pomponna injo nubattu ri Nyaha Tangkasa.

LUKAS 1:28

Rihattu ambattuna malaeka' injo mange riampi'na Maria, lakuamo, ”Salama', oe kau turikamaseang intu, Karaeng Allataala minahang ri kau.”

LUKAS 2:8

Ri tampa' injo lohe pakalahaki ammari ri parang luara lajagai bakkalang binantanna ampa bangngi.

LUKAS 24:4

Riammenteng ammangnga-mangnganai juapa saba' ripassala injo, sikalinna rie' rua tau ammenteng riampi'na make pakeang ammillere.

YAHYA 12:41

Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.

PAU-PAUWANNA SIKONJO SURO-SURO 12:7

Sikalinna rie'mo ammenteng riampi'na Petrus se're malaeka'na Karaeng na assau sinara'na lalang ri bili' pattarungkuang injo. Malaeka' injo latempai Petrus lalaronrongi, na lakua, ”Ambaungko lassiri!” Jari tappumu rante injo battu ri limanna Petrus.

PAU-PAUWANNA SIKONJO SURO-SURO 27:23

Saba' rirubangngi rie' se're malaeka'na Allataala, iamo intu Allataala nukusomba injo,

PAU-PAUWANNA SIKONJO SURO-SURO 5:19

Mingka ribangnginamo se're malaeka'na Allataala labungkarai sikonjo babaanna pattarungkuang injo na laurang ngase'i ansulukang, lakua,

2 KORINTUS 3:18

Ditte ngase' inni ripappijanjangangi kala'biranna Allataala ri rupa gele ta'lampang. Saba' kala'birang injo assala'na battu ri Karaeng iamo Nyaha, jari ditte maemmuki ripinra a'jari assimpole surangang ja'banganNa, lalang kala'birang nupela' bakka' injo.

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

IBRANI 12:21

Sanna' toje' pappakamalla'na rinurijanjang injo, sa'genna Musa appau: ”Sanna'i malla'ku na sanna'i pannettere'ku.”

PANJANJANNA YAHYA 18:1

Rimaenna injo kujanjangi se're malaeka' maraeng naung battu ri suruga. Ia ngampunnai kakahasaang bakka' na lino inni a'jari sinara rikanara kala'biranna.

PANJANJANNA YAHYA 20:11

Maeng injo kujanjangi se're pattolongang kakaraengang pute nubakka' na Ia, tuattolong injo rateanna. Battu ri a'rakanNa lannya'mu lino surang langi' na gelemu rirumpa' poleang ri antee mae tampa'na.