LUKAS 2:47 - Kitta' Passitallikang Bau KAREBA BAJI'

⁴⁷ Sikuanna tau allangngere injo ri Ia sanna' lannasa'na rikasara'dekanNa surang risikonjo ta'ranNa appihali.

LUKAS 2:47 Iomraidhean Croise

MATIUS 13:54

Sungka'i ambattu ri tampa' assala'Na, Isa ngajarai lohe tau ri injo lalang ri sapo passambajangannai. Jari takkajanna' ngasekimu na lakua, ”Battu ri antee mae Ia nguppa pangisse' na kahasa langgeokang sikonjo kajariang nugele samara?

MATIUS 22:33

Tau allangngere injo lannasa ngase'mu mange ripangajaranNa.

MATIUS 7:28

Sungka'na Isa latongko' pau inni, takkajanna' tau lohe injo lalangngere'na pangajaranNa,

MARKUS 1:22

Rilalangngere'na lannasai tau lohe injo, saba' laajara ngase'i assimpole tau rie' kahasana, gele assimpole sikonjo guru Tora'.

MARKUS 11:18

Sikonjo imang ponggaha na sikonjo guru Tora' lalangngere passala injo, na a'bojamu akkala daa lalahuno Isa, saba' iyai malla'i ri Isa, saba' tau lohe injo sanna' lannasinna ripangajaranNa.

MARKUS 6:2

Ri Allo Passambajangang Ia pakaramula ngajara ri sapo passambajangang na lohe tau lannasa rilalangngere'Na na appaui, ”Ri antee mae nguppa pappilajarang passala appakonjo? Pangisse' anteekamua risareang mange ri Ia? Anteekamua kajariang nugele injo samara a'jari ri limanNa?

LUKAS 2:18

Lannasa ngase'i tau allangere risikonjo passala nulapau pakalahaki injo mange ri iyai.

LUKAS 2:46

Sungka'i tallungallomo labojai lauppaimu Isa rie'i lalang ri Sapo Allataala ritangnga-tangngana guru agama injo, na appilangngeri surang assare pakkuta'nang mange ri iyai.

LUKAS 4:22

Sikuanna tau rie' ri injo appa'naba ri Ia na lannasa ngase'i ripau-pau baji' nulapau injo Isa, jari appau ngase'mu, ”Gelejua Ia inni ana'na Yusuf?”

LUKAS 4:32

Takkajanna' ngase'i rilalangngerinna pangajaranNa, saba' pauNa rassi kahasa.

YAHYA 7:15

Manna ponggaha Yahudi Injo lannasa ngase' na appaui, ”Anteekamua tau inni anralang konjo pangisse'na nagelejuai appilajara!”

YAHYA 7:46

Pappihalinna pajaga injo, ”Gelepa minang rie' tau appau assimpole tau injo!”