LUKAS 2:37 - Kitta' Passitallikang Bau KAREBA BAJI'

³⁷ na konni-konnina balu-balumu na ummuru'na karuapulomu appa' taunna. Ia gele minang a'lampa battu ri Sapo Allataala na allo bangngi assambajang surang appuasa na ngera dowaang.

LUKAS 2:37 Iomraidhean Croise

LUKAS 5:33

Appau ngase'i pole tau Farisi injo mange ri Isa, ”Ana'-ana' gurunna Yahya biasai appuasa na assambajangi, appakonjo todo'i ana'-ana' gurunna tau Farisi inni, mingka ana'-ana' gurumMu tuli nganre manginung juai.”

PAU-PAUWANNA SIKONJO SURO-SURO 13:3

Jari appuasa surang ngera dowaang ngase'i na sungka'i maengimo lapatompang pala' limanna mange ri tau rua injo, lalappasangimu ruaiya a'lampa.

PAU-PAUWANNA SIKONJO SURO-SURO 14:23

Risikonjo jamaah, suro-suro injomo anjo'jo' tutoa-toa jamaah na sungka'i maeng ngera dowaang na appuasai, lapassareangimu tutoa-toa injo ri Karaeng tumange ri Ia jua lakatappaki.

PAU-PAUWANNA SIKONJO SURO-SURO 26:7

Laripa'rupanamo talli' injo latajang-tajang sampuloiya rua sossoranna Israele, na attarru'-tarrusu assambajangi allo bangngi lalang rikasabbarang. Kanara ripanrannuang injomo, karaeng Agripa, nakke ripitina risikuanna tau Yahudi.

1 TIMOTIUS 5:5

Mingka tau toje' injo balu-baluna, turibokoi kale-kalenna, lapasampe pattajallianna mange ri Allataala na sabbarai ripangera dowaang lalang ripattajalliang allo bangngi.

PANJANJANNA YAHYA 3:12

Inai jua ambeta, ia laKupaa'jari benteng poong lalang ri Sapo Tangkasa'na AllataalaKu, na ia gelemu laansulu' battu ri injo; na mange ri ia Kuukirii arenna AllataalaKu, arenna kota AllataalaKu, iamo intu Yerusalem bau, nuturung battu ri Suruga nubattu ri AllataalaKu, na Kuukirangi areng bauKu.

PANJANJANNA YAHYA 7:15

Injomo saba'na, ammenteng ngase'mu ri a'rakang kadera pattolonganna Allataala na iyai anjampangi ri Ia allo bangngi ri Sapo Tangkasa'Na. Ia tuattolong rate kadera injo lalaka'rang kemaNa rateannai.