LUKAS 19:7 - Kitta' Passitallikang Bau KAREBA BAJI'

⁷ Lajanjanna passala injo, lohemo tau pakaramula a'moro-moro, lakua, ”Ia asse'kai ri sapo tau doraka injo.”

LUKAS 19:7 Iomraidhean Croise

MATIUS 20:11

Rihattunna latarimai, a'moro-moroimu mange ri opuna koko,

MATIUS 20:4

Lakua mange ri iyai: A'lampai todo'ko mange ri koko anggoro'ku na apa nusiratang lakupassareang ri kau. Jari a'lampai toje'mu.

MATIUS 9:11

Rihattu lajanjanna tau Farisi passala injo, appauimu mange ri ana'-ana' gurunna Isa, ”Ngura gurummu nganre assurangang palele sima na tau doraka?”

LUKAS 15:2

Jari a'moro-moroimu tau Farisi na guru Tora' injo, lakua, Tau inni narimai sikuanna tau doraka na surangi nganrei.

LUKAS 19:6

Jari lassirimu Zakheus naung na latarimai Isa lalang rikarannuang.

LUKAS 19:8

Mingka ammentengi Zakheus na appaui mange ri Karaeng Isa, ”Karaeng, janjangi, sidahu ruana nurie' ri nakke lakupaa'dahu-dahuangi mange ri tau kaasai-asi na ampa rie' nukualle passa battu ri parangku tau, lakupahuliangangi a'lappi appa'.”

LUKAS 5:30

A'nahu'-nahusimu tau Farisi na guru Tora' injo mange ri ana'-ana' gurunna Isa, lakua, ”Ngura nganre manginungiko assurang palele sima na tau doraka intu?”

LUKAS 7:34

Maeng injo Ana' Rupatau rie', Ia nganre na nginungi, na mukua: Janjangimu, Ia se'rei tau balala na painung, bahaanna palele sima na tau doraka injo.

LUKAS 7:39

Sungka'i lajanjang tau Farisi lakeo' injo Isa, appaui lalang ri atina, ”Ampa Ia inni nabbi, tantu laisse'na, inai bahine inni surang bahine ngura akkaraha injo ri Ia; tantu laisse'na ma'nasana bahine injo tau doraka.”