LUKAS 19:47 - Kitta' Passitallikang Bau KAREBA BAJI'

⁴⁷ Allo-alloi Isa ngajara ri Sapo Allataala. Sikonjo imang ponggaha na guru Tora' surang tutoa-toana Israele laparri-parri lalahuno Isa,

LUKAS 19:47 Iomraidhean Croise

MATIUS 21:23

Maeng injo Isa antama'i ri Sapo Allataala, na rihattunna Ia ngajara ri injo, riekimu imang ponggaha surang tutoa-toana Yahudi mange ri Ia, na akuta'nangi, ”Passabakang kahasa anteeang Kau anggeokang risikonjo passala intu? Inai assare kahasa ri Kau?”

MATIUS 26:55

Rihattu injo Isa appaui mange ri tau lohe, ”Pa'ngare'mui Nakke inni palukka', jari riekiko mae sangka' muerang pa'dang na panrabung lamujakkalia? Na allo bangngi jua Nakke attolong ngajara ri Sapo Allataala, na gelea mujakkali ri injo.

MARKUS 11:18

Sikonjo imang ponggaha na sikonjo guru Tora' lalangngere passala injo, na a'bojamu akkala daa lalahuno Isa, saba' iyai malla'i ri Isa, saba' tau lohe injo sanna' lannasinna ripangajaranNa.

MARKUS 12:12

Jari ponggaha Yahudi injo apparri-parrimu lalajakkala Isa, saba' laisse' ngase'i ma'nassana iyaimo lakuangang Isa lalang ri pakkalebarang injo. Mingka malla' ngase'i ri tau lohe. Lalappasangi Isa a'lampa, na muliangi todo'mu.

MARKUS 14:1

Allo Pa'lappasang na allo passua'-suarang Roti gele injo risare bibi ruangallomamo nalaripakaramula. Sikonjo imang ponggaha na sikonjo guru Tora' a'boja hattu baji' lalajakkala na lalahuno Isa lalang rise're akkala daa,

MARKUS 14:49

Kusa'ring allo-allo jua Nakke rie' ritangnga-tangngamui ngajara ri Sapo Allataala, na gele jua mujakkali ri injo. Mingka parallui a'rupa nuta'ukiri injo lalang ri Kitta' Tangkasa.”

LUKAS 19:48

mingka gele laisseki, anteekamua ta'ranna, saba' tulusu lohe tau riampi'Na na a'ra' ngase'i appilanggeri pauNa.

LUKAS 20:19

Jari guru Tora' na imang ponggaha injo apparri-parri lalajakkala Isa, saba' laisse'i ma'nassana kalenna lakuangang Isa ripakkalebarang injo, mingka mallakii ri tau lohe.

YAHYA 10:39

Sikalipa pole iyai lasobai lajakkala Isa, mingka Ia lappasai battu ri limannai.

YAHYA 18:20

Appihali Isa mange ri ia, ”Nakke appau lambusu ri lino inni: Nakke sanging ngajara ri sapo passambajangang surang ri Sapo Allataala, tampa'na sikuanna tau Yahudi asse're-se're; Nakke gelea minang a'bisara assa'bu-sa'bu.

YAHYA 7:19

Gelejua Musa maengi assare hukkung Tora' mange ri kau? Mingka gele rie' manna se're tau ri kau lageokangi hukkung Tora' injo. Ngura Nakke muparri-parri a'ra' lamuhunoi?”

YAHYA 7:44

Rie'mo sikura tau ri iyai injo a'ra'i lajakkala Isa, mingka manna se're tau gele rie' tubarani latetengi.