LUKAS 18:9 - Kitta' Passitallikang Bau KAREBA BAJI'

⁹ Mange ri tau lohe larapang injo kalenna naba na lajanjang tuna sikuanna tau maraeng, lapaui Isa pakkalebarang inni,

LUKAS 18:9 Iomraidhean Croise

LUKAS 10:29

Mingka lappa'naba ri kalenna tau injo akkuta'nangi pole mange ri Isa, ”Inaimo sitoje'na parangku rupatau?”

LUKAS 15:2

Jari a'moro-moroimu tau Farisi na guru Tora' injo, lakua, Tau inni narimai sikuanna tau doraka na surangi nganrei.

LUKAS 16:15

Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.

LUKAS 18:11

Ammentengi tau Farisi injo na ngera dowaangi, appakonni: O Allataala, nakke sukkuru mange ri Kau, saba' gelea assimpole sikuanna tau maraeng, gelea tau palukka', gelei daa geo'ku', gelea pasangkili, na gele todo'a assimpole palele sima inni;

LUKAS 19:7

Lajanjanna passala injo, lohemo tau pakaramula a'moro-moro, lakua, ”Ia asse'kai ri sapo tau doraka injo.”

LUKAS 7:39

Sungka'i lajanjang tau Farisi lakeo' injo Isa, appaui lalang ri atina, ”Ampa Ia inni nabbi, tantu laisse'na, inai bahine inni surang bahine ngura akkaraha injo ri Ia; tantu laisse'na ma'nasana bahine injo tau doraka.”

YAHYA 8:48

Ponggaha Yahudi injo appihali ri Isa, ”Gelejua nabai ampa kambe appau ma'nassana Kau tau Samaria na ladongkokiko setang?”

YAHYA 9:28

Laerang pattua-tuai iyai appau mange ri ia, ”Kau ana' gurunnako tau injo mingka kambe ana' gurunnakang Musa.

YAHYA 9:34

Pappihalinnai mange ri ia, ”Kau inni rianakangko lalang rikadorakaang na kau a'ra' langajara ri kambe?” Jari lasuroimu ansulukang.

PAU-PAUWANNA SIKONJO SURO-SURO 22:21

Mingka appaui Karaeng Isa ri nakke: A'lampamoko, saba' Nakke assuro ri kau laa'lampa dere battu ri inni lamange risikuanna bangsa tau maraeng.”

ROMA 10:3

Saba', kanara rigeleinna laisse' kanabaang ri Allataala surang rikanara apparri-parrina laappaenteng kanabaang assituru' a'ra' kale-kalena to'jua, jari iyai injo gele tunru' mange rikanabaang ri Allataala.

ROMA 14:10

Mingka kau, ngura kau ngadeli ri urang siana'mu? Iyareka ngura kaui attua-tua ri urang siana' julu katappakammu? Saba' ditte ngase' paralluki lamange ri kadera pangadelanna Allataala.

ROMA 14:3

Inai nganre, akolalo attua-tua ri tau gele injo nganre rise're kanre-kanreang, inai gele nganre, andalalo assare hukkungang ri tau nganre injo, saba' Allataala maeng latarimamu tau injo.

ROMA 7:9

Riolo gele rie' hukkung Tora', nakke attallasa. Mingka, sungka'i rie'mo parenta injo, kadorakaang injo pakaramulamu attallasa,