LUKAS 18:16 - Kitta' Passitallikang Bau KAREBA BAJI'

¹⁶ Mingka lakeo' ngase'i Isa na lakua, ”Lappasangi ana'-ana' ki'di' intu mae ri Nakke, na ako pisangkai, saba' tau assimpole injomo intu opuna Pakkaraengang Allataala.

LUKAS 18:16 Iomraidhean Croise

MATIUS 19:14

Mingka appaui Isa, ”Lappasangi ana'-ana' intu, akolalo ampang-ampangi battu mae ri Nakke; saba' tau assimpole injo intu laampunnai Pakkaraengang Suruga.”

LUKAS 18:15

Maeng injo lohemo tau battu laurang ana' ki'di'na mange ri Isa, solanna ri barakkaki ri Isa. Ri lajanjanna injo, ana'-ana' gurunna Isa kuku'i mange ri tau lohe injo.

LUKAS 18:17

Sitoje'na Nakke appau mange ri kau: Inai jua gele anruppai Pakkaraengang Allataala assimpole ta'ranna ana' ki'di' inni, ia gele akkulle antama' ri injo.”

PAU-PAUWANNA SIKONJO SURO-SURO 2:39

Saba' mange ri kaumo latuju talli' injo na ri ana'-ana'mu surang mange ri tau dere injo juapa, iamo intu assillohe nulalakeo' injo Karaeng Allataalata.”

1 KORINTUS 14:20

Urang siana', akolalo assimpole ana'-ana' lalang ripikkirammu. A'jariko ana'-ana' lalang ri sipa' daa, mingka tau toa lalang ripikkirammu!

1 KORINTUS 7:14

Saba' bura'ne gele injo tappa' ritangkasi kanara bahinenna na bahine gele injo tappa' ritangkasi kanara bura'nenna. So'di injo gele appakonjo, tantu ana'-ana'mu sanging ana' buni, mingka konni-konnina iyai injo ana'-ana' tangkasa.

1 PETRUS 2:2

A'jari assimpole ana' lolo ampa injo rilassukang, nusanging tirere injo a'ra' nginung ere susu si'nong na nuappakasa'ga' nyaha. Ri appakonjona passabakang ri iamo injo kau akkulle a'bakka' na nguppa kasalamakang,