LUKAS 18:14 - Kitta' Passitallikang Bau KAREBA BAJI'

¹⁴ Nakke appau mange ri kaui: Rimuliannamo tau inni ri saponna assimpole turipa'naba ri Allataala na tau maraeng injo gele. Saba' inai lapakala'biri kalenna, ia laripakatuna intu na inai lapakatuna kalenna ia laripakala'biri intu.”

LUKAS 18:14 Iomraidhean Croise

MATIUS 23:12

Inai jua lapakala'biri kalenna, ia laripakatuna na inai jua lapakatuna kalenna, iamo laripakala'biri.

MATIUS 5:3

”Sunggulaloi tau kaasi-asi intu ri a'rakanna Allataala, saba' iyaimo ampunna Pakkaraengang Suruga.

LUKAS 1:52

Ia lapanaungi sikuanna tau kahasa battu ripamarentaanna na lapanai'i sikuanna tau kamase-mase injo;

LUKAS 10:29

Mingka lappa'naba ri kalenna tau injo akkuta'nangi pole mange ri Isa, ”Inaimo sitoje'na parangku rupatau?”

LUKAS 14:11

Saba' inai lapakala'biri kalenna, laripakatunai intu na inai lapakatuna kalenna laripakala'biri intu.”

LUKAS 16:15

Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.

ROMA 3:20

Saba' gele rie' manna se're tau akkulle ripa'naba ri a'rakanna Allataala kanara rianggeokanna jua hukkung Tora', nakanara ri hukkung Tora'mo tau inni ngisse' kadorakaang.

ROMA 4:5

Na mange ri tau gele injo anjama, mingka tappa'i mange ri Ia ri tuappa'naba injo tau doraka, katappakanna injo rirekeng a'jari kanabaang.

ROMA 5:1

Injomo saba'na, ditte turipa'naba injo kanara tappa', ditte attallasaki lalang dame salehangang surangang Allataala patteteang ri Karaengta, Isa Almase.

ROMA 8:33

Inaimo akkulle lagagai sikuanna tau lapile Allataala? Allataala, turipa'naba ri Allataala? Inaimo laassare hukkungang mange ri iyai?

GALATIA 2:16

Ditte ri isse'i ma'nassana gele rie' manna se're tau ripa'naba kanara hukkung Tora', mingka patteteang katappakang jua lalang ri Isa Almase. Injomo saba'na, manna kambe maeng tappa'kang mange ri Isa Almase, solanna kambe ripa'naba kanara tappa' lalang ri Isa Almase nagele rikanara anggeokang hukkung Tora'. Saba': ”Gele rie' manna se're tau ripa'naba” karana rianggeokanna hukung Tora'.

YAKOBUS 4:10

Pakatuna kalemmu ri a'rakanna Karaeng, na Ia laappakala'biri ri kau.

YAKOBUS 4:6

Mingka barakka' pangamaseang nulapassareang injo Allataala mae ri ditte, la'bi bakkakang battu ri injo. Kanara injo Ia lapaui, ”Allataala a'bali tau tampo, mingka ngamaseangi tau tuna ati.”