LUKAS 18:1 - Kitta' Passitallikang Bau KAREBA BAJI'

¹ A'bisarai pole Isa se're pakkalebarang mange ri iyai laappa'toje' rima'nassana parallu ngase'i tulusu ngera dowaang na tide' lanrena.

LUKAS 18:1 Iomraidhean Croise

LUKAS 11:10

Saba' inai ngera, larisare na inai a'boja, languppai; na inai akkatto', ripambungkarangi pallo'bi'.

LUKAS 21:36

A'kaletutuiko na tuli ngera dowaangiko, solanna nguppaiko kagassingang lalappasa battu ri iangase'na nulaa'jari injo, na solanna attahangko ammenteng ri a'rakanna Ana' Rupatau.”

ROMA 12:12

Sunggulaloko lalang ripattajalliang, sabbarako lalang rikamarasaiang, na sannangko lalang ripangera dowaang!

2 KORINTUS 4:1

Saba' ribarakka' pangamaseang Allataala maeng tatarima panjampangi inni. Injomo saba'na, kambe gelekang tappu' panrannuang.

GALATIA 6:9

Akolalo lanre a'geo' baji', saba' ampa larapi'mu hattunna, ditte laanduruki, ampa geleki a'jari lamma.

EFESUS 6:18

Lalang risikuanna dowaang surang pangera, a'hattu-hattuiko ngera dowaang lalang ri Nyaha Tangkasa na a'jaga-jagailaloko lalang ripangera dowaammu injo surangang pangera tide' tappu'na tujunna risikuanna tau tappa',

FILIPI 4:6

Sibaji'na akolalo bata-bata risikuanna passala, mingka pappisa'bianglaloi lalang risikuanna passala sikonjo numukaa'raki mange ri Allataala lalang ridowaang surang pangera lalang rikasukkurang.

KOLOSE 4:12

Sallang battu ri Epafras mange ri kaui ia se'rei tau battu ri kau, ata ri Isa Almase, tusanging poso naha-nahanna ripangera dowaang tujummu, solanna kau ammenteng ka'jang, assimpole tau toa pangisse' surang rassi kajarrekang lalang risikonjo passala nulakaa'raki injo Allataala.

KOLOSE 4:2

Sabbaralaloiko lalang ripangera dowaang na ri appakonjona a'jaga-jagaiko surangang appanai' sukkuru.

1 TESALONIKA 5:17

Tulusu ngera dowaangiko.