LUKAS 17:30 - Kitta' Passitallikang Bau KAREBA BAJI'

³⁰ Appakonjo todo'i passala'na sallo' rihattunna Ana' Rupatau lapappijanjangang kalenNa.

LUKAS 17:30 Iomraidhean Croise

MATIUS 16:27

Saba' Ana' Rupatau larie'i lalang kala'birang AmmanNa larurung sikonjo malaeka'Na; rihattu injo Ia lalabalasai sikuanna tau assituru' panggeokanna.

MATIUS 24:3

Rihattunna Isa attolong rate ri Bonto Zaitun, riekimu ana'-ana' gurunNa mange ri Ia la'bisara akkale-kalei surangi Ia. Lakuamo, ”Paui mae ri kambe, sikuraiya laa'jari passala injo na anteekamua tanra parie'Mu surang tanra kala'busanna lino inni?”

MATIUS 24:37

”Saba' anteekamua passala'na ri jammanna Nuhung, appakonjo todo'i sallo' rihattu pariekanna Ana' Rupatau.

MATIUS 24:39

na iyai gele rie' nulaisse', rigelenapa battu a'ba bakka' injo na lapakalannya' ngase'i, appakonjo todo'i passala'na sallo' rihattu pariekanna Ana' Rupatau.

MATIUS 26:64

Appihali Isa, ”Kaumo mupaui. Mingka, Nakke appau ri kau, pakaramula allo inni lamujanjangi Ana' Rupatau laattolong risa'ri kananNa Tukaminang kahasa injo na larie'i a'dongko rammang ri langi'.”

MARKUS 13:26

Rihattu injo tau inni lanjanjang Ana' Rupatau rie'i ri salihu' lalang risikonjo kakahasaang na kala'biranNa.

LUKAS 17:24

Saba' assimpole kila' ta'bebe battu riappa'na langi' se'reang mange riappa'na langi' sihaliang, appakonjo todo'i sallo' passala'na Ana' Rupatau ri allo pariekanNa mae.

LUKAS 17:29

Mingka rihattu ansulu'namo Lot battu ri Sodom, turungi bosi api surang bosi halerang battu ri langi' na lapakamate ngase'i.

LUKAS 21:22

saba' larapi'mu hattunna pa'balasang na sikonjo numaeng ta'ukiri laripa'rupa.

LUKAS 21:27

Rihattu injomo lalajanjangi tau Ana' Rupatau rie' mae a'dongko' ri rammang lalang risikonjo kakahasaang na kala'biranNa.

1 KORINTUS 1:7

Appakonjomu injo kaui gele kakurangang risikuanna pangamaseang rihattu mutajanginna lapappijanjangang kalenna Karaengta Isa Almase.

1 KORINTUS 1:8

Ia todo' lapakajarre'ko sa'genna mange riallo kala'busang, jari gelemo rie' daamu rihattunna Karaengta Isa Almase,

KOLOSE 3:4

Ampa Almase, tua'jari injo tallasa'ta, kajanjangang sallo', injo manna kau kajanjangang surang Ia lalang rikala'birang.

2 TESALONIKA 1:7

na assare kalogaang mange ri kaui turisissa intu, na mange todo' ri kambe, rihattunna Karaeng Isa ri suruga lapappisa'biang kalenNa assuran-surang sikonjo malaeka'Na narassi kahasa, lalang ri bola' api.

1 PETRUS 1:13

Injomo saba'na, pakabaji' akkala'mu surang pakarie' pappahammu, tutulaloko na pa'batui pattajalliammu mange ribarakka' pangamaseang nularipassareang injo mange ri kaui rihattunna Isa Almase lapappijanjangang kalenNa sallo'.

1 PETRUS 1:7

Tujunna ri iangase'na injo iamo intu laappattoje' rikasi'nonganna katappakammu. Bulaeng nulapanra' injo parallui risappo lalang ri api, la'bipa pole katappakammu nula'bi langkasang anggaranna battu ri bulaeng parallu todo'i riso'ri. Ri appakonjona kau languppa pammuji na kala'birang na kangalikang rihattunna Isa Almase lapappijanjangang kalenNa sallo'.

1 PETRUS 4:13

Sibale'na, a'rannu-rannuilaloko, assituru' ridahuang muuppa injo lalang rikasissaanna Almase, solanna nguppai todo'ko karannuang surang kate'neang rihattunna Ia lapappisa'biang kala'biranNa.

1 YAHYA 2:28

Jari konni-konnina, ana'-ana'ku, ammariko lalang ri Almase, solanna ampa Ia lapappisa'biang kalenNa, ditte nguppaki kabaraniang latappa' na geleki parallu siri' mange ri Ia rihattu pariekanNa.

1 YAHYA 3:2

Urang siana' mala'biri'ku, konni-konnina ditte intu ana'-ana'na Allataala, mingka gelepai kajanjangang anteekamua katallasangta sallo', mingka, riisse'i ampa Almase ri pappisa'biang, ditte laa'jari assimpole Ia, saba' dittemo laanjanjang ri Ia lalang rikatallasang toje'Na.

PANJANJANNA YAHYA 1:7

Janjangimu, Ia rie'i mae lalang ri rammang na sikuanna mata laanjanjang mange ri Ia, iyai pole tumaeng injo nobo' ri Ia. Sikuanna rupatau ri lino laapparau mange ri Ia. Ya, Aming.