LUKAS 17:24 - Kitta' Passitallikang Bau KAREBA BAJI'

²⁴ Saba' assimpole kila' ta'bebe battu riappa'na langi' se'reang mange riappa'na langi' sihaliang, appakonjo todo'i sallo' passala'na Ana' Rupatau ri allo pariekanNa mae.

LUKAS 17:24 Iomraidhean Croise

MATIUS 24:27

Saba' assimpole kila' ta'bebe battu ripambuakang na assau sinara'na sa'genna rikasa'rakang, appakonjo todo'i sallo' pariekanna Ana' Rupatau.

MATIUS 24:30

Rihattu injo lakajanjangangi tanrana Ana' Rupatau ri langi' na sikonjo bangsa ri lino lapparau na iyai lanjanjang Ana' Rupatau rie'mu a'dongko' rammang ri langi' lalang risikonjo kakahasaang na kala'biranNa.

MATIUS 25:31

”Ampa rie'mu Ana' Rupatau lalang rikala'biranNa na sikuanna malaeka' assurang-surangi Ia, injo Ia laattolongi rate ri kadera kala'biranNa.

MATIUS 26:64

Appihali Isa, ”Kaumo mupaui. Mingka, Nakke appau ri kau, pakaramula allo inni lamujanjangi Ana' Rupatau laattolong risa'ri kananNa Tukaminang kahasa injo na larie'i a'dongko rammang ri langi'.”

MATIUS 5:15

La'bipa pole tau inni gele lapabola' kanjolina ampai lataro rahangang talle, mingka rate ri bangkeng kanjoli jari lasinari sikuanna tau rie' lalang ri sapo injo.

1 KORINTUS 1:8

Ia todo' lapakajarre'ko sa'genna mange riallo kala'busang, jari gelemo rie' daamu rihattunna Karaengta Isa Almase,

1 TESALONIKA 5:2

saba' muisseki toje'mu ma'nassana hattunna Karaeng larie'i assimpole palukka' ribangngina.

2 TESALONIKA 2:2

solanna andaiko lassiri ammangnga-mangnga surang balisa, baji' injo ripanjanjang, iyareka ripappala'bangang iyareka sura' nuripau injo battu ri kambe, assimpolekalena larapi'mu hattunna Karaeng.

2 TESALONIKA 2:8

rihattu injomo tau doraka inni ampamu lapappisa'biang kalenna, mingka Karaeng Isa lalahunoi lalang rinapasa babaNa na lapakatide'i lalang rilapappijanjanganna kalenNa rihattu pariekanNa.

YAKOBUS 5:8

Kau parallu todo'ko sabbara na parallui mupakasa'ga' atimu, saba' pariekanna Karaeng gelemu sallo!

2 PETRUS 3:10

Mingka allonna Karaeng larie'i assimpole palukka'. Rihattu injo langi' lalannya' ripassabakang gunturu sanna' bakka'na na sikonjo bentenna lino laa'jari ahu rikanara bola' api, na lino inni surang sikuanna nurie' ribahonnna lalannya' ngase'.