LUKAS 17:1 - Kitta' Passitallikang Bau KAREBA BAJI'

¹ Appaui Isa mange ri ana'-ana' gurunNa, ”Tantumu rie'na tulaappa'lingu, mingka balamo tau appa'rie' injo.

LUKAS 17:1 Iomraidhean Croise

MATIUS 16:23

Jari gilingi Isa na appaui mange ri Petrus, ”A'lampako Ibilisi. Kau a'jari se're batu pangampang ri Nakke, saba' gele mupikkiri nulapikkiri injo Allataala, passangadinna nulapikkiri injo jua rupatau.”

MATIUS 18:7

Silakamu lino surang sikonjo passala nulapassabaki tau inni doraka: Toje'i passala injo parallu larie', mingka silakamu tau anggeokang injo.

LUKAS 16:31

Lakuamo Abraham mange ri ia: Ampa iyai gele a'ra' lapilangngeri kitta'na Musa surang sikonjo nabbi, a'nassamu untukinna tappa', manna injo ri tau attallasa battu rikamateang.”

ROMA 14:13

Injomo saba'na, andalaloki assihukkungi poleang! Mingka la'bi bajikangi kaui minahang ripanguppa inni: Andai ripaa'jari urang siana'ta a'dappe' iyareka tatto'ro!

ROMA 16:17

Mingka kupainga'ko, urang siana', solanna ingakiko mange ri iyai ri tau appakaammumba injo passisala pahangang surang batu patatto'roang, pa'beserang lalang ripangajarang numaeng injo mutarima. Ia injo liliangi!

1 KORINTUS 10:32

Akolalo paa'jari tau maraeng intu tatto'ro, baji' injo tau Yahudi iyareka tau Yunani, iyareka jamaah Allataala.

1 KORINTUS 11:19

Saba' ri kau parallui rie' passisalapahangang, solanna kaissekangi sallo' inai ri kau attahang lalang ripasso'ri.

1 KORINTUS 8:13

Injomo saba'na, ampa kanre injo laa'jari batu patatto'roang ri urang siana' julu katappakangku, nakke gelema langanre assi binantang situlusu'na, solanna nakke gelea a'jari batu patatto'roang ri urang siana' julu katappakangku.

1 TIMOTIUS 4:1

Mingka Nyaha lalang rikaterasang lapappisa'biangi ma'nassana rihattu labattu injo sallo', larie' tau laa'boko ri Allataala ampai minahang ri nyaha pappakalingu surang ajarang setang

PANJANJANNA YAHYA 2:14

Mingka ri Nakke rie' sikura nuamberaki ri kau: Ritangnga-tangngamui rie' sikura tau minahang riajarang nuassimpole nulapangajarang injo Bileam rihattu riolo, tuassare injo pappiu'rangi mange ri Balak laappakalingu tau Israele, solanna nganrei passidakka ri barahala surang assangkili.

PANJANJANNA YAHYA 2:20

Mingka Kusallaiko, saba' mupa'bianginna bahine Izebel, tulagallara injo kalenna nabbi bahine, tungajara na lohemo atangKu lapakalingu solanna assangkili na nganre passidakka lamange ri barahala.