LUKAS 16:9 - Kitta' Passitallikang Bau KAREBA BAJI'

⁹ Nakke appau mange ri kau: Pakajarre'i pa'bahaammu surang mupakei kakalumannyangang linomu languppako bahaang, solanna ampa kakalumannyangang injo gelemu akkulle assare pattulungang, injo ritarimako lalang ripammariang mannannungang.”

LUKAS 16:9 Iomraidhean Croise

MATIUS 19:21

Appaui Isa mange ri ia, ”Ampa kau a'ra' sangka', a'lampako, balukangi iangase'na pa'barang-barangammu na pa'dahu-dahuangi injo mange ri tau kaasi-asi, jari nguppako pa'barang-barangang ri Suruga, maeng injo battuko mae na minahangko ri Nakke.”

MATIUS 6:19

”Akolalo apparappung kakalumannyangang ri kalemmu ri lino; ri lino rangnga' na ta'gara lamanraki na palukka' langonsala ampai lalukka'.

MATIUS 6:24

Gele rie' manna se're tau akkulle akkasihiang ri rua karaeng. Saba' ampa appakonjo, ia lalikingi mange rise're tau na ngamaseangi mange ri tau maraeng injo, iyareka ia lamallang mange rise're tau na gele lapilangngeri tau maraeng injo. Geleko akkulle akkasihiang mange ri Allataala surang mange ri Mamon battuanganna: Kakalumannyangang lino.”

LUKAS 11:41

Mingka, passareangi assinna assimpole passidakka na sitoje'na laa'jari tangkasa ngase'i ri kau.

LUKAS 12:33

Balukang ngase'i barang-barammu na assareko passidakka! Pa'buakangi kalemmu pannanroang doe' nugele lakanre toa, se're pa'barang-barangang ri Suruga nugele lala'busu, nugele akkulle laseppaki palukka' na gele akkulle lapanra'ki bu'bu'.

LUKAS 14:14

Lasungguko intu, saba' iyai injo gele rie' apa-apanna lalapa'balasang mange ri kau. Saba' lamuuppai sallo' pabalasa'na, ri allo ripakaattallasa'na muliang sikuanna tau naba.”

LUKAS 16:11

Jari, ampa geleko mallang ri kakalumannyangang lino gele injo lambusu, inaimo lalarannuangko ri pa'barang-baranganna suruga?

LUKAS 16:13

Se're inni ata gelei akkulle anjama ri rua karaeng. Saba' ampa appakonjo ia lalikingi ri sitauwang na lalakamaseangi sitauwang injo, iyareka ia lamallangi mange ri sitauwang na gele lajampangi sitauwang injo. Geleko akkulle a'jari ata mange ri Allataala na mange ri Mamon [battuanganna: kakalumannyangang lino].”

LUKAS 16:4

Kupahammu nuparallu injo lakugeokang, solanna ampa lapasulu' toje'a ri jamangku a'jari pananro doe'na, rie' juapa tau lapamminsomboa ri saponna.

PAU-PAUWANNA SIKONJO SURO-SURO 10:31

na appaui, Kornelius, pangera dowaammu lalangngeremu Allataala na passidakkamu lau'rangi ri a'rakanNa.

PAU-PAUWANNA SIKONJO SURO-SURO 10:4

Latangarai malaeka' injo na lalang malla' ia appau, ”Apa Karaeng?” Appihali malaeka' injo mange ri ia, ”Sikonjo pangera dowaammu na passidakkamu nai'mu ri a'rakanna Allataala na Allataala lau'rangiko.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

YUDAS 1:21

Katuho appakonjoi kalemmu lalang ripangamaseang Allataala na attajang dalle' ri Karaengta, Isa Almase, tujunna tallasa mannannungang.