LUKAS 16:15 - Kitta' Passitallikang Bau KAREBA BAJI'

¹⁵ Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.

LUKAS 16:15 Iomraidhean Croise

MATIUS 23:5

Sikonjo jamaang nulageokangi injo solanna jua lajanjang tau lohe; make tulu' sambajang la'ba' surang salempang lambere;

MATIUS 6:16

”Ampa kau appuasa, andalalo luja rupammu assimpole tau munape'. Iyai injo lapakaluja rupanna, solanna lajanjang tau ma'nassana iyai attangnga appuasa. Sitoje'na Nakke appau mange ri kaui: Iyai injo maeng lauppamu sahala'na.

MATIUS 6:2

Jari, ampa kau assare passidakka, akolalo lagarai passala injo, assimpole nulageokang injo tau munape' inni lalang ri sapo passambajangang na ripamolonang seppang, solanna iyai lapuji tau. Sitoje'na Nakke appau mange ri kaui: Iyai lauppamu sahala'na.

MATIUS 6:5

”Ampa ngera dowaangko, akolalo ngera dowaang assimpole tau munape'. Iyai injo langai ngera dowaang ampa ammentengi lalang ri sapo passambajangang na risikonjo pappengkaang lalang bakka', solanna iyai rijanjang ri tau. Sitoje'na Nakke appau mange ri kaui: Iyai injo maeng lauppamu sahala'na.

LUKAS 10:29

Mingka lappa'naba ri kalenna tau injo akkuta'nangi pole mange ri Isa, ”Inaimo sitoje'na parangku rupatau?”

LUKAS 11:39

Mingka appaui Isa mange ri ia, ”Oe tau Farisi intu, mutangkasi bageang pantaranna galasi surang mangko' inni, mingka assinna lalang rassi lukkakang surang sipa' daa.

LUKAS 18:11

Ammentengi tau Farisi injo na ngera dowaangi, appakonni: O Allataala, nakke sukkuru mange ri Kau, saba' gelea assimpole sikuanna tau maraeng, gelea tau palukka', gelei daa geo'ku', gelea pasangkili, na gele todo'a assimpole palele sima inni;

LUKAS 18:14

Nakke appau mange ri kaui: Rimuliannamo tau inni ri saponna assimpole turipa'naba ri Allataala na tau maraeng injo gele. Saba' inai lapakala'biri kalenna, ia laripakatuna intu na inai lapakatuna kalenna ia laripakala'biri intu.”

LUKAS 18:21

Lakua tau injo, ”Iangase'na injo kugeokangi minang rikidi-kidiku juapa.”

LUKAS 18:9

Mange ri tau lohe larapang injo kalenna naba na lajanjang tuna sikuanna tau maraeng, lapaui Isa pakkalebarang inni,

LUKAS 20:20

Sikonjo guru Tora' na imang ponggaha injo latili'-tilingi Isa. Assuroi mange ri Ia tau laa'juru-juru assimpole tau lambusu, solanna akkulle juai lasikko' Isa rise're pakkuta'nang na laparapaki Isa mange ri tukahasa na pamarenta.

LUKAS 20:47

tungalle passa injo sapo balu-balu na lalampangi matanna tau lohe inni ripangera dowaang lambere'na. Iyaimo injo languppa hukkungang kaminang sarro.”

YAHYA 2:25

na saba' gelejuai parallu manna se're tau lassare sa'bi ri Ia ripassala rupatau inni, saba' Ia laisse'i apa nurie' lalang ri atina rupatau inni.

YAHYA 21:17

Makapintallunnamo Isa appau mange ri ia, ”Simon, ana'na Yahya, apa ngamaseang juako mae ri Nakke?” Pa'risimu nyahana Petrus saba' pintallummu Isa appau mange ri ia: ”Apa ngamaseang juako mae ri Nakke?” Na ia appaui mange ri Ia, ”Karaeng Ditte Riisse'i sikuanna, Ditte Riisse'i ma'nassana nakke ngamaseang ri Ditte.” Appaui Isa ri ia, ”Katuhoi jimbala'Ku.

PAU-PAUWANNA SIKONJO SURO-SURO 1:18

Yudas inni maeng nguppamu dahuang siteppo' tana battu risahala sipa' daana, maeng injo ia tattopai, na bissa'rua pomponna jari ansulu' ngase'mu assi pomponna.

PAU-PAUWANNA SIKONJO SURO-SURO 1:24

Ngera dowaang ngase'mu na lakua, ”O Karaeng, Ditte Riisse'i atina sikonjo rupatau inni, jari ripijanjangiangkang inaiang rijo'jo' ri tau rua inni,

PAU-PAUWANNA SIKONJO SURO-SURO 15:8

Allataala, Tulaisse' injo atina rupatau inni, assare passa'bi mange ri iyai riassarena Nyaha Tangkasa mange ri iyai assimpole mae ri ditte,

ROMA 3:20

Saba' gele rie' manna se're tau akkulle ripa'naba ri a'rakanna Allataala kanara rianggeokanna jua hukkung Tora', nakanara ri hukkung Tora'mo tau inni ngisse' kadorakaang.

ROMA 8:27

Na Allataala nulasalidiki injo batenta, laisse'i pattujunna Nyaha Tangkasa injo, iamo intu ma'nassana Ia, assituru' a'ra'na Allataala, ngera dowaangi tujunna sikuanna tau tangkasa.

1 KORINTUS 4:5

Injomo saba'na, akolalo ngadeli rigelenapa larapi' hattunna, iamo intu rigelenapa rie' Karaeng Isa. Ia lanyinari, manna pole nuta'lengu' injo lalang rikalammang, na Ia lapappijanjangangi apa nurinaha-naha lalang ri ati. Sallo' sikuanna tau lanarima kala'birang battu ri Allataala.

1 PETRUS 3:4

Mingka kaballoammu iamo intu rupatau bateng nutassa'bu surangang kaballoang nugele lapanra'. Kaballoang inni assala'na nubattu ri nyaha pa'mai' baji' na ngerangi kasannangang, nasanna' langkasa anggaranna ri a'rakanna Allataala.

1 PETRUS 5:5

Appakonjo todo'i, oe kau taruna intu, tunru'laloko mange risikuanna tau toa. Na kau ngase', pakatunalalo kalemmu battu rise're tau mange ri tau maraeng, saba': ”Allataala labaliangi tau tampo intu, mingka assarei barakka' pangamaseang mange ri tau tuna injo atina.”

PANJANJANNA YAHYA 2:23

Manna ana'-ana'na pole Kuhuno ngase' na laisse'i sikonjo jamaah ma'nassana Nakkemo nyo'ri bateng surang atina ri rupatau na ma'nassana Nakke laa'balasa mange ri kau para assituru' ripanggeokammu.