LUKAS 14:23 - Kitta' Passitallikang Bau KAREBA BAJI'

²³ Jari lakuamo pole karaeng injo mange ri atanna: A'lampako isse' mange risikonjo lalang bakka' surang lorong na passai mae konni tau rie' ri injo, solanna rassi ngase' sapongku.

LUKAS 14:23 Iomraidhean Croise

MATIUS 21:43

Injomo saba'na, Nakke appau mange ri kaui ma'nassana Pakkaraengang Allataala larialle ri kaui na laripassareangi mange rise're tau maraeng nulaassare hassele nubaji' ri Pakkaraengang Allataala. [

MATIUS 5:41

Inai jua lapassako a'lingka se're kilo derena, a'lingkalaloko surangang ia rua kilo pole derena.

LUKAS 14:22

Jari lapaui ata injo: Karaeng, apa nuripassuroang injo maeng ngase'mu kugeokang, mingka manna appakonjo rie' juapa tampa' pattolongang.

LUKAS 14:24

Saba' Nakke appau mange ri kaui: Gele rie' manna se're tau battu risikuanna tau maeng injo rikeo' lalakasia'i kanre pa'buakiangKu.”

LUKAS 24:29

Mingka sarro pamassainna ri Ia, lakua, ”Abangngimuki riolo surang kambe, saba' laa'birimmu bangngi na seppa' tommoi sa'ra' matanna allo.” Jari antama'i Isa laassurangi a'bangngi.

PAU-PAUWANNA SIKONJO SURO-SURO 16:15

Sungka'i maemmo ririo surangang sibatu assinna saponna, ia lakeo'kang, lakua, ”Ampa pa'ngare'mu ma'nassana nakke toje' tappa'ku mange ri Karaeng, maeko assekka ri sapongku.” Ia akkeo' passai jari ammiokang ripakkeo'na.

PAU-PAUWANNA SIKONJO SURO-SURO 18:6

Mingka rihattunna sikonjo tau a'bali na attua-tua ri ia, ia lapakakkasai limpurang rie' ripakeanna na appaui mange ri iyai, ”Lappasammu raramu tatto'lo' rateang ulummu to'jua, nakke tangkasa, tide' daaku. Pakaramula rikonni-konnina laa'lampama mange risikuanna tau maraeng.”

PAU-PAUWANNA SIKONJO SURO-SURO 28:28

Injomo saba'na kau parallui muisse' ma'nassana kasalamakang nubattu injo ri Allataala inni ripabattumu mange risikuanna bangsa tau maraeng na iyai lalapilangngeri.” [

PAU-PAUWANNA SIKONJO SURO-SURO 9:15

Mingka appaui Karaeng Isa mange ri ia, ”A'lampamoko, saba' tau innimo Kujo'jo' laappala'bang arengKu ri a'rakanna sikonjo tau maraeng surang sikonjo karaeng na risikuanna tau Israele.

ROMA 10:18

Mingka nakke akkuta'nang: Gelepaika iyai injo maeng lalangngeri? Sitoje'na iyai injo maemmu lalangngere, ”Sa'ranna tungerang injo kareba maeng lala'bammu sibatu lino, na pauna ambattumu mange riappa'na lino.”

2 KORINTUS 5:11

Kambe taisse'i apa battuanna malla' ri Karaeng, kanara injomo kambe apparri-parrikang laappakatappa' tau. Mange ri Allataala kajanjangangi sinara'na nyahaba na nakke tajalli nyahaba kajanjangang appakonjo todo'i assituru' panilikang nyaha alusu'mu.

2 KORINTUS 5:20

Jari, kambe suro-surona Almase, assimpolekalena Allataala appiu'rangi ri kau patteteang ri kambe; lalang arenna Almase taerai mange ri kaui: Sareangi kalemmui ripa'dameang surangang Allataala.

2 KORINTUS 6:1

Assingkamua urang sipanjamaang, kambe appiu'rangi ri kau, solanna andaiko appakaassolong pappidalle' battu ri Allataala numaeng mutarima injo.

KOLOSE 1:23

Injomo saba'na paralluiko mallang rikatappakang, tulusu jarre' surang gele bata na gele a'ra' a'gessong battu ripattajalliang Injili, numaeng mulangngere injo na numaeng ripala'bang injo risibatu alang rahangang langi', na nakke inni, Paulus, maeng a'jari pajampanginna.

KOLOSE 1:28

Injomo tapala'bang ampa rie' tau tapiu'rangi surang ampa rie' tau taajara lalang risikonjo pangisse', langurang sikuanna tau solanna laa'jari toa pangisse'na lalang ri Almase.

2 TIMOTIUS 4:2

Pala'banglaloi pauna Allataala, sanging sadiako baji' iyareka daa hattu, pappisa'biangi apa nusala, to'ro surang piu'rangilaloi lalang risikonjo kasabbarang surang pangajarang.