LUKAS 13:24 - Kitta' Passitallikang Bau KAREBA BAJI'

²⁴ Appihali Isa mange ri tau rie' ri injo, ”Apparri-parriko a'molong ri babaang sipu injo! Saba' Nakke appau mange ri kau: Lohe tau apparri-parri a'ra' la'molong, mingka gele akkulle.

LUKAS 13:24 Iomraidhean Croise

MATIUS 11:12

Pakaramula rie'na Yahya Pario sa'genna konni-konnina, Pakkaraengang Suruga ridomung na tau a'domung injo laparri-parri laalle.

LUKAS 13:23

Jari rie'mo se're tau akkuta'nang mange ri Ia, ”Karaeng, siso'di' jua tau laripakasalama'?”

LUKAS 21:36

A'kaletutuiko na tuli ngera dowaangiko, solanna nguppaiko kagassingang lalappasa battu ri iangase'na nulaa'jari injo, na solanna attahangko ammenteng ri a'rakanna Ana' Rupatau.”

YAHYA 13:33

Oe ana'-ana'Ku, so'di'kalemamo hattungKu larie' ri kaui. Kau laa'bojai ri Nakke, na assimpole numaeng injo Kupau mange risikuanna tau Yahudi: Mange ri tampa' Kumangei injo, geleiko ma'ring labattui, appakonjoi pole rikonni-konnina Kupau todo'i mange ri kaui.

YAHYA 5:4

Saba' a'hattu-hattui naung malaeka'na Karaeng Allataala ri kollang injo na lapake'bo'i erena; inai jua tau kaminang riolo naung ri kollang injo ampa maemmu ta'ke'bo' erena, a'jari molei garrinna, manna garring apa jua.]

YAHYA 6:27

Anjamako, gele ri kanre akkulle injo lala'busu, mingka kanre attahang injo sa'genna mange rikatallasang tide' tappu'na, nulapassareang injo Ana' Rupatau mange ri kau; saba' Iamo maeng risegele ri Allataala Amma.”

YAHYA 7:34

La'bojaiko ri Nakke, mingka gelea akkulle muuppai, saba' geleiko akkulle ambattu mange ri tampa' pammariangKu.”

YAHYA 8:21

Maeng injo appaui pole Isa mange ri iyai, ”Nakke laa'lampa na kau la'bojai ri Nakke mingka lamateiko lalang rikadorakaammu. Ri tampa' Kumangei injo, geleiko ma'ring rie' ri injo.”

ROMA 10:3

Saba', kanara rigeleinna laisse' kanabaang ri Allataala surang rikanara apparri-parrina laappaenteng kanabaang assituru' a'ra' kale-kalena to'jua, jari iyai injo gele tunru' mange rikanabaang ri Allataala.

KOLOSE 1:29

Injomo kukaresoi na kupapparri-parriang lalang risikonjo kagassingang assituru' kahasaNa nuanjama injo lalang ri nakke.

IBRANI 4:11

Kanara injomo, baji'mu ditte apparri-parri laantama' ri tampa' nulapakasadia injo Allataala, solanna anda rie' manna sitau a'dappe' kanara minahanna rikageleang tunru' assimpole injo.

2 PETRUS 1:10

Injomo saba'na, Urang siana' mala'biri'ku, apparri-parri toje'ko, solanna pakkeo' surang pamilena Allataala mange ri kau. Saba' ampa mugeokangi, geleko laminang tatto'ro.