LUKAS 13:13 - Kitta' Passitallikang Bau KAREBA BAJI'

¹³ Maeng injo lapatompangi limanna Isa rateang ulunna bahine injo, na rihattu injo toje' jua ammenteng lambusu bahine injo, na lapakala'biri Allataala.

LUKAS 13:13 Iomraidhean Croise

MATIUS 9:8

Lajanjanna passala injo, malla'mu tau lohe injo ampai lapakala'biri Allataala numaeng assare kahasa assimpole injo mange ri rupatau.

MARKUS 16:18

laneteng saa, na manna nginungi rasung appakamate, gelejuai languppa kasilakaang; lambarakkaki sikuanna tau garring, na tau injo akkulle gassing.”

MARKUS 5:23

na sanna' laerana mange ri Isa, lakua, ”Garringi ana' bahineku, na ammadammu, mange laloKi na taro limanTa ri ia, solanna salama' na tallasai.”

MARKUS 6:5

Isa gele akkulle appaa'jari numasagala ri injo manna se're, maraenganna appakagassing sikura lohena tau garring ampa lataro limanNa rateanna.

MARKUS 8:25

Isa lataro pole limanNa ri matanna tau injo, jari akkulle toje'mu anjanjang tau injo na molemu, jari akkullemu baji' panjanjanna mange riiangase'na.

LUKAS 13:12

Rihattunna Isa lajanjang bahine injo, lakeo'i na appaui mange ri ia, ”Oe idong, molemu garrimmu.”

LUKAS 18:43

Rihattu injo toje'jua akkullemu anjanjang, maeng injo minahangi ri Isa ampai lapakala'biri Allataala. Rilajanjanginna passala injo, jari sikuanna tau rie' ri injo lapakala'birii Allataala.

LUKAS 4:40

Sungka'i sa'ra' allo, lohemo tau ngerang mange ri Ia tau garring rilohe rupanna kagarringang. Jari Isa lapatompangi limanNa ri baho ulunnai na lapakagassing ngase'i.

PAU-PAUWANNA SIKONJO SURO-SURO 9:17

Maeng injo a'lampamu Ananias mange konjo na antama'i ri sapo injo. Ia lapatompangi pala' limanna rateang ulunna Saulus, lakua, ”Saulus, urang siana' mala'biri'ku, Karaeng Isa, maeng lapappijanjangammu kalenNa mange ri kau rilalang pamolongammu, Iamo assuro ri nakke mange ri kau, solanna akkulleko anjanjang muliang na rassiko Nyaha Tangkasa.”