LUKAS 12:5 - Kitta' Passitallikang Bau KAREBA BAJI'

⁵ Lakujo'jokangiko inai parallu mukamallakangi. Malla'moko ri Allataala, Tuampa maengi ngalle nyaha, rie' kahasana laappabuang tau antama' ri naraka. Sitoje'na Nakke appau mange ri kaui, Iamo mukamallaki.

LUKAS 12:5 Iomraidhean Croise

MATIUS 10:28

Akolalo malla' mange ri iyai tuakkulle injo muno batangkale, mingka tide' kahasana lamuno nyaha; malla'laloko mange ri Ia tukahasa injo lamuno baji' nyaha iyareka batangkale lalang ri naraka.

MATIUS 25:41

Ia Lappau todo'i mange ri iyai tau rie' injo risa'ri kairinNa: A'lampako battu ri a'rakangKu, oe tau doraka intu, a'lampako antama' ri api nugele injo minang mate bola'na numaeng ripakasadia injo ri Ibilisi na sikonjo malaeka'na.

MATIUS 25:46

Tau inni laantama'i ri tampa' sissaang tide' injo la'busu'na, mingka tau naba injo laantama'i ritallasa mannannungang.”

MATIUS 5:22

Mingka Nakke appau mange ri kaui: Sikuanna tau kuku' mange ri urang siana'na parallui rihukkung; inai appau daa mange ri urang siana'na parallui rierang mange ri Pangadelang Agama, na inai appau: Jahele! parallui ripassareang antama' ri naraka a'bola'-bola' injo.

MARKUS 13:23

Tutulaloko! La'bi riolomu maeng Kupau iangase'na inni mange ri kaui.”

1 TESALONIKA 4:6

na solanna lalang ripassala inni, andai appa'rugi mange ri urang siana' julu katappammu iyareka lakelo-keloi. Saba' Karaengmo laassare hukkungang mange tau a'geo' apakonjo, assimpole numaeng tapau surang nutapassuroang injo riolo mange ri kaui.

IBRANI 10:31

Sanna' toje' appakamalla'na', ampa a'dappe'ki antama' ri limanna Allataala attallasa injo.

2 PETRUS 2:4

Saba' Allataala gelei lapassayang sikonjo malaeka' anggeokang injo kadorakaang mingka lalapamballung ngase'i antama' ri naraka riinjomu iyai rirante ri tampa' kalammang laritaro sa'genna larapi' hattu pangadelang.

PANJANJANNA YAHYA 14:7

Ia a'nga'ngarai lalang risa'ra bakka', ”Ngali'laloko ri Allataala na mupakala'birii Allataala, saba' larapi'mu hattu pangadelanNa, na sombai Allataala tumaeng appaa'jari injo langi' surang tana na tamparang surang sikonjo mata ere.”

PANJANJANNA YAHYA 15:4

Inaimo gele lamalla', o Karaeng, na gele laappakala'biri ri aremMu? Saba' Kau jua tutangkasa. Sikonjo bangsa labattu na joppa'i nyomba ri Kau, saba' a'buttii kanabaang risikonjo pangadelamMu.”

PANJANJANNA YAHYA 20:14

Maeng injo kamateang surang pakkaraenganna kamateang injo ripabuangi antama' ri bola' api bakka' akkadaparang. Iamo injo kamateang makarua: Bola' api bakka' akkadaparang.