LUKAS 12:33 - Kitta' Passitallikang Bau KAREBA BAJI'

³³ Balukang ngase'i barang-barammu na assareko passidakka! Pa'buakangi kalemmu pannanroang doe' nugele lakanre toa, se're pa'barang-barangang ri Suruga nugele lala'busu, nugele akkulle laseppaki palukka' na gele akkulle lapanra'ki bu'bu'.

LUKAS 12:33 Iomraidhean Croise

MATIUS 19:21

Appaui Isa mange ri ia, ”Ampa kau a'ra' sangka', a'lampako, balukangi iangase'na pa'barang-barangammu na pa'dahu-dahuangi injo mange ri tau kaasi-asi, jari nguppako pa'barang-barangang ri Suruga, maeng injo battuko mae na minahangko ri Nakke.”

LUKAS 11:41

Mingka, passareangi assinna assimpole passidakka na sitoje'na laa'jari tangkasa ngase'i ri kau.

LUKAS 12:21

Appakonjomu sarenna tau apparappung injo pa'barang-barangang tuju ri kalenna to'jua, ampa gele kalumannyang ri a'rakanna Allataala.”

LUKAS 16:9

Nakke appau mange ri kau: Pakajarre'i pa'bahaammu surang mupakei kakalumannyangang linomu languppako bahaang, solanna ampa kakalumannyangang injo gelemu akkulle assare pattulungang, injo ritarimako lalang ripammariang mannannungang.”

LUKAS 18:22

Rilalangngere'na injo appaui Isa mange ri ia, ”Rie' juapa pole se're passala nuparallu mugeokang: balukang ngase'i apa nurie' ri kau na pa'dahu-dahuangi injo mange ri tau kaasi-asi, languppako pa'barang-barangang ri Suruga, maeng injo maeko konni na minahangko ri Nakke.”

YAHYA 12:6

Passala injo lapaui gele kanara lapariatina tau kaasi-asi inni, mingka ia se'rei palukka'; ia biasai a'kossi'-kossi' doe' tattaro lalang ri purukang lateteng injo.

PAU-PAUWANNA SIKONJO SURO-SURO 2:45

na sanging rie' tau a'balu' tana iyareka pakkalumannyangang maraenna, ampai lapa'dahu-dahuang ngase' mange sikuanna tau assituru' kaparalluang ri iyai.

2 KORINTUS 8:2

Rihattunna nguppa passo'ri bera' lalang rilohe rupanna kasissaang, sukku' rannuna na manna injo iyai sanna' kaasi-asina, mingka iyai kalumannyangi lalang ri kabajikang.