LUKAS 12:19 - Kitta' Passitallikang Bau KAREBA BAJI'

¹⁹ Ampa maemmo injo lakupaui mange ri nyahaku: Nyahaku, lohemo pa'barang-barangammu attambung, akkulle ripake attaung-taung sallona; jari ammari-marimoko, nganreko na nginungko surang a'rannu-rannuko.

LUKAS 12:19 Iomraidhean Croise

LUKAS 12:18

Jari lakuamo: Iamo inni parallu lakugeokang; lakurokai sikonjo palampangku ampai kubaung nula'bi bakkakang na kunanro ri injo iangase'na hassele tanaku surang barang-barangku.

LUKAS 16:19

”Rie' se're tau kalumannyang sanging makeangi pakeang ballo alusu, na allo-alloi a'buaki bakka'.

LUKAS 21:34

”Jagailalo kalemmu, na atimu andai tulusu appikkiri ripa'roa'-roakang na a'huja-huja surang rikabata-bataang tuju tallasa siallo sibangngi solanna rihattu rie'na Ana' Rupatau andai appabangka ri kau assimpole turipengko.

1 KORINTUS 15:32

Ampa sangga assituru' timbangang rupatau jua nakke maeng a'laga assimpole tua'bali binantang boang ri Efesus, apamo matu-matunna passala injo ri nakke? Ampa tau mate inni gelei ripakaatttallasa muliang, injo ”maemoko langanre surang langinungki, saba' mintara lamateki.”

FILIPI 3:19

Kala'busang ri iyai iamo intu kapanrakang, Karaeng ri iyai iamo intu pomponna, kala'birang ri iyai iamo intu sipa' daana, pikkirannai sanging angngolo mange rikakalumannyanganna lino inni.

1 TIMOTIUS 5:6

Mingka tau balu-balu loga injo tallasa'na na kala'bi-la'biangi, injo ia panra'mu riattallasa'na juapa.

1 TIMOTIUS 6:17

Piu'rangilaloi sikuanna tau kalumannyang ri lino inni solanna iyai anda a'la'bi'-la'biri na akolalo tajalli mange rise're nugele attantu assimpole kakalumannyangang, mingka mange ri Allataala lalang rikakalumannyanganNa lapassareangi sikuanna mae ri ditte larikasia'i.

2 TIMOTIUS 3:4

langaii a'bali'ballang, gelei lambere pikkiranna, assimpole tusara'de', la'bi lapinahangi hawa napasu daana kalaminahangi ri Allataala.

YAKOBUS 5:5

Kau maeng tallasa lalang rikala'bi-la'biang na a'rannu-rannu ri lino, kau maeng mupakasannangi atimu rihattu seppa'namo jammang panyumbeleang.

1 PETRUS 4:3

Saba' sanna'mo lohena hattu mupake laanggeokang apa nulangai lageokang sikuanna tau maraeng gele injo laisse' Allataala. Maemmoko tallasa lalang rilohe rupanna napasu daa, sikonjo a'ra' rupatau, a'huja-huja, a'roa'-roa', nginung-nginung surang nyomba barahala nugele injo ripakkulleang.

PANJANJANNA YAHYA 18:7

Sareangi mange ri ia sissaang surang pa'risi kamateang, assillohe kala'birang na kala'bi'-la'biang, numaeng injo ia lauppa. Saba' ia appau lalang ri atina: Nakke attolong assimpole karaeng bahine, nakke gelea balu-balu, na nakke gelea minang pa'risi rikamateang.